منتديات همس الروح . نعود مجددا في العمل . هام جدا ! NEW جديد 2014

تاريخ التسجيل : 01/01/2011

ملخص الحلقة 73 مسلسل بين الماضي والحب حصريا وفقط على منتديات فرفشة

ملخص الحلقة 73 مسلسل بين الماضي والحب حصريا Bjb

الحلقة 73 كاملة
اضعط هنا

وليد وليلى
ولطيفة . . يدخلون الثلاثة شقة ليلى و لطيفة تقول بدخل عشان تاخذون راحتكم
..وليد مرتبك .. مو عارف شيقول .. وليلى هاديه .. تترقب شنو بيقول ..وليد :
أنا آسف ياي من غير لا أتصل ..ليلى : لا عادي .. أحسن وقفتنا بالشارع
..وهم منزل راسه .. ساكت ..
ليلى : تشرب شي .؟؟وليد : لا لا .. مراح آخذ من وقتج ..ليلى : خير ؟وليد : أبيج تردين الشغل ..تفاجأ ليلى .. و يقطعون المشهد ..
بيت الهايمي ..جاسم و أبوه يتكلمون عن ليلى ..والأبو .. يقول انه متعادل وياها .. ولازم يفكر بشي أقوى ..جاسم : يبا ما تفكر فيني .؟
أبوه
: بنات الديره وايد ..جاسم : لا مستحييل .. ما أخلي ليلى تروح مني .. و
يقوم يطلع معصب ..أبوه يناديه .. جسووم وين رايح !!أمل متصلة على غالية
..تسأل عنها .. و تقولها بقولج شي مهم عن طارق ..تقول غالية و أنا بعد عرفت
شي وبقولج ..وتقولها تييها البيت ..وأمل تقول لا أشوفج بكافيه أحسن ..
عشان محد يسمعنها ..وغالية توافق ..ولما تسده منها .. يكون طارق واقف يم
أمل و كان غاصبها تتصل .. (راشد ثاني)
تترجاه ما يسوي شي بغاليه .. ويهددها ..وليد .. وليلى ..
ليلى
: غريبة ؟ شللي غير رايك ؟وليد : مادري .. يمكن بالغت شوي بردة فعلي ..
لازم أتعلم أميز بين الشغل والأمور الخاصة ..بس إللي سويته ببثينة ماله
غفارية (أول مرة أسمع هالكلمة!) ، وبنفس الوقت إنتي أكفأ وحده عندنا
بالشركة ..غلطتج الوحيدة الأوراق و الملفات اللي ضعيتيها علينا ..بس إذا
بنقارن .. إنتي سويتي وايد شغلات زينه بالشركة .. محد ينكر هالشي ..ليلى :
بس أنا ما سويت شي ببثينه ! وإللي سويته فيها أقل من يزاها .. على كل
الألاعيب اللي اللي سوتها فيني ..وليد : ليلى ماله داعي توجهين لها تهم
عالفاضي !
ليلى : شسالفة ! إنت ليش تبي ترجعني الشغل ! (بدت تنرفز شوي) قبل يومين فاصلني .. وإنت تعرف عني كل هالأشياء .. شلي قلب مخك جذي .. ؟
وليد : تبين الصج ! عمي خالد لزّم علي أكلمج ..
ليلى
: إيييه .. فهمت .. إنت تبيني أرجع مو عشان إني كفاءة .. علشان عمك يبيني
أرجع الشغل .. لأنك ما تقدر تقوله السبب الحقيقي إللي خلاك تفصلني ..
(نبرتها تحدي شوي هيهي)
وليد : تبين الصج .؟ أنا ما أنكر إنه في شي بداخلي يبيج ترجعين (ابتسامة على ويه ليلى 3>)،
عاد هو يتضايق وهو يتكلم مادري شعليه .. ويقول :
أنا آسف إنسي إللي قلته آخر شي .. (زلق بلسانه و تحسف p;)
ليلى
: أنا فاهمة شنو قصدك يا وليد .. مافي داعي تشرح ، قلبك يقولك إني صاجة
بكل شي قلته لك .. وإنه عمري ما جذبت عليك بشي.. وإني نفس البنت إللي شفتها
أول مره بلندن .. لكن للأسف انت تحت تأثير جذي و ألاعيب بثينة .. بس وعد
مني .. إني راح أثبت لك برائتي .. وأوريك إني فعلا أنا انسانه نظيفة ..
وأكشف لك كل شي سوته فيني ..
وليد : إنتي ليش تعيدين و تزيدين بنفس
الموضوع (إي والله مليت أنا من هالحوار من 30 حلقة)، ليلى خلاص بطلي هالحجي
..ليلى : ما أٌقدر .. تدري ليش ؟ لأني أحبك 3> (عاد تقوله بجد)وجان
يختبص وليد .. ويتماسك ويقط قنبله ..وليد : بتردين تجذبين مره ثانية ؟ليلى
(عينها بعينه بكل ثقه) : أنا ما أجذب عليك .. أنا فعلا أحبك .. وأدري من
داخلي إنك تحبني نفس الشي ..(وهذا أحسن شي فيج .. ما عندج حركات نساني
ومايحبني وتخلى عني و نسى إللي بينا و تتغلين)لكن وعد مني بثبت لك برائتي
.. وأوريك إنه أنا انسانه محترمة .. وأكشف لك كل ألاعيب بثينة إللي سوتها
فيني ..
وليد : أنا مو ياي أتكلم بهالسالفة .. أنا ياي أعرض عليج منصب
بالشركة .. تقبلين .. ترفضين .. شوفي إللي يريحج وسويه .. (وما يطالعها و
هو يكلمها)عاد هي تتضايق .. الظاهر عشان ما همه كلامها مرتين تقوله أحبك
ولا علق على اللي قالته ..ليلى (بتدمع) : وليد .. طالعني .. حط عينك بعيني
.. (وليد يسمع الكلام) الحين أبيك تقولي.. إنك إنت فعلاً ما تحبني ..
(عيونها مليانه دموع :"( )
يمشي وليد بسرعة .. بدون ولا كلمة .. وهي بمكانها تطالعه و تصيح..
وليد يركب سيارته ويتذكر آخر جملة .. و يقول :
تدرين إني أحبج أكثر من روحي ..
ليلى فوق حزينه .. تتذكر لما قال
" تبين الصج أنا ما أنكر إنه في شي بداخلي يبيج ترجعين أنا آسف إنسي إللي قلته آخر شي"
ولطيفة تحضنها تقولها : بس يا أمي وجعتيلي قلبي حرام عليكي .. ، و تعطيها تلفونها تقولها ياج مسج ..
ويكون مسج من جاسم " أبي أشوفج ضروري الحين نتلاقى بالكوفي شوب "
(>> أشوه لما طلع من أبوه معصب عبالي رايح لها و يصادف وليد .. )
تقول ليلى : اففف هذا شيبي !

هدى بالصالة تفكر ..
بكلام فاطمة عن إبراهيم .. وكلام إبراهيم لها ..
وأبوها يسألها شفيها .؟
تطلب منه يقعد وياها تكلمه ..
ويفتحون موضوع الزواج ..
بعدين تسئله سر زواجه من أمها المثالي ..
يقولها الصدق و الاحترام و التقدير (موكان قايل لوليد الحب p; الظاهر النصايح للبنات غير خخ)
بعدين تسئله لو كان الحب من طرف واحد ..؟
قال بيكون زواج كله مشاكل .. وعوار الراس ..
وقالها متأكد إنه اللي بيتزوجها بيحبها أكثر مما تحبه ..

دلال تتصل على أحمد ..
تقوله أبيك الحين تقولي شنو اللي صار بالشاليه بالضببط ..

غالية و أمل داخلين المطعم ..
وتوهم قاعدين .. ويدخلون طارق وشلته ..
يقوولها كنت أدري انج بتيين .؟

ليلى مع جاسم ..
واقفين عند سيارتها ..
يقولها : راح تزوجيني غصبا عنج ..
وإنه مصيره راح يعرف عن أمها و عيال الماسي كلهم بيدرون ..
تقوله : أبوك شنو بيقول لما يعرفون عنه ..
وأنا اذا علمت عليه برجع لندن وأعيش حياتي من يديد ..
لكن أبوك بيدخل السجن .. وسمعته تصير تحت .. إذا أنا تكلمت ..
قالها : شرايج نتفاهم .؟
قالت : زواج مراح أتزوج .. شلون أتزوج واحد نذل ماعنده أخلاق ..
اذا ابوك الحرامي .. انت مستعد تسوي أي شي عشان مصلحته .. شلون تبيني أأمن فيك و أتزوجك !!
و تحذره .. يدق عليها ولا يقرب منها .. و هذا آخر تحذير .. وتمشي عنه ..
~~~> وتلمحهم من بعيييد منووووووو .؟
نهى >

غالية تهاوش صديقتها ..
وطارق يغصبها تقوم .. و تقول لمدير المطعم ..
و يطلع تبعهم بعد ..
و أمل تقول سامحيني ..
تقولها عمري مراح أسامحج ..
وتقوم وياهم غاليه ..

أبو غالية ..
يدخل عند الخادمة تطبخ .. يسألها شنو تسوين .؟
تقوله تسويله أكل يحبه ..
وتسئله عن غاليه يقول انا شكو انتي امها .. (نفس الحوارر أتوقع ما عنده نص يحفظه)
ويصارخ .. ويمشي ..
وتقول مريم حق ستي : ما عليه بابا يحب يسوي جنجال (à معناها مشاكل بالهندي و الخادمة فلبينيه)
تقوله الخدامة : بابا واجد زين ..
ومريم ما يعجبها ..

غالية توها طالعه من المطعم مع طارق وشلته
و تركض بسرعه بعيد عنهم .. (لقطة موجودة بالتتر)
وتروح تركض عند رجال أبضاياات .. وتنخش وراهم ..
يحلقونها الشلة .. و واحد يقولهم : خير في حاجة ؟
ولما يشوفونها شلة طارق يمشون ..
( هههههههه ما شاء الله صج اسمها غزلان كله تركض بسرعه ما يحلقون عليها !!)

بيت بدر ..
أمه تسأله عن بوقة الجرايد .. و إنهم صاروا علج بحلوج الناس ..
ويشرح لها .. وإنه عنده شي مهم .. وفضة بآخر مراحل حياتها ..
وبينشر مع خالد توضيح بكل الجرايد ..

خالد ومروة بالشركة ..
يمليها تكتب إعلان يحطونه بالجرايد إنه ما صارت سرقة ..
وفي بعض الأخطاء بالسستم ..
والشركة تحذر وسائل الاعلام إلى التطرق لهذا الموضوع ..
وإلا راح يتخذون الاجراءات القانوينة .. والخ ..

فيصل يتكلم بالتلفون ..
ويذم الماسي .. و ما ينصح اللي يكلمه يتعامل معاهم .. وإنهم يبوقون بعض ..
ويقول لجاسم إنه كان يكلم رجل أعمال من الرياض .. و يبي يخرب عليهم ..

بشقة ليلى ..
قاعده تفكر .. و لطيفة تقولها :
برافو على الكلمتين إللي عطيتهم ياه ..
تقول ليلى: ما أحب هالاسلوب بس جاسم يستاهل ..
يرن الجرس حييل .. تفتح ليلى ..
وتلقى غالية : تصيح وتحضنها تقول ساعديني .. لحقيني راح ياخذووني ..
تقول ما أقدر أقووول .. ما أقدر ..
ولطيفة تقوم تقولها بسويلكم شاي أخضر ..
غالية تقول وعديني ما تقولين لأمي ..
و تهديها ليلى تقولها قولي إنتي عندي بأمان .. محد يقدر يسويلج شي ..
( ههه يا بطلة انتي أنطر لقطة المسدس)

دلال و أحمد بمطعم ..
أحمد : صدقيني مو تذكر إللي صاار !
دلال : إنت من صجك ! شلون يعني ما تذكر !
أحمد : ما أتذكر شي ! كل اللي أذكره انج انتي تعبتي .. وأنا تعبت .. وو .. وقعدت بالصالة وراحت علي نومة ..
دلال : شلون تعبت ..؟ وشلون ما أتذكر .. ! قولي أحمد تحجى شللي صار .؟
أحمد
: إهدي حبيبتي .. صدقيني إنه مهما يصير بينا .. راح أظل أحبج و أحترمج ..
وصدقيني إنه مشاعري لج جداً صادقة و قويه .. دلال عفية فهميني .. أنا
مستحيل أأذيج أو أسوي أي شي .. أنا ودي أتزوجج اليوم قبل باجر ..
دلال : أحمد أنا خايفه ! لازم أعرف إللي صار ؟

طارق يرجع مقرهم ..
تطلع له وحده " شو صار معكم ! "
طارق : بس مو مشكلة .. يوم ولا يومين و بصيدها ..

غاليه تقولها عنهم ..
وليلى تقول بسم الله الرحمن الرحيم .. هذا شي مو سهل أشوه قدرتي تنحاشين منهم ..
غالية : أنا خايفة أكيد بيراقبوني وياخذوني ..
ليلى : دام استغل اخته بهالطريقة مستعد يوسي أي شي عشان ياخذج .. لازم نبلغ الشرطة ..
تقول غالية : بعدين أمي و أبوي يدرون ..
تحاول فيها ليلى .. وتقولها لو صار فيج شي .. ولازم ياخذ جزاءه (مبدأ العداله يمشي بعروقهم)
بعدين تقول الاقيها من وين .. و من وين ..
تقولها غالية لا تشيلين همي أمانه (ترفع الضغط)
ليلى : حبيبتي أنا موش ايله همج أنا شايله همج و همي .. شايله هم الظلم إللي قاعد يصير وإحنا مو قادرين نسوي شي..
غالية : ليش شصاير .؟ قوليلي مو أنا صارحتج بكل شي .. (سوالف بنات صغاار p;)
وتقولها الظلم له شغل بوظيفتج إللي طلعتي منها (والله البنت تعرف تستنتج شي صحيح ، وزين ما قعدت لها 3 أيام تتذكر الفلااااش !!! )
ومع الحجي .. ليلى تقولها عن الفلاش .. إللي كان بينصها و كان في دليل برائتها ..
و بيرجع لها حقها ..
وغالية يشتغل مخهااااااااا .. و تقول : أنا أدري وين الفلاش ..

بيت الهايمي ..
( ولا 4 مراات عنهم! أحس بدال بثينة حطوا عليهم)
أحمد يقول قلت لدلال أمي بتييهم ..
و إنه قال لها أنه الشيطان قص علينا و صار اللي صار ..
قال الأبو قبل الملجة بيكون لكل حادث حديث ..
(أتوقع أمه مراح توافق تزوجه بنت فضة عناد على أبوه ،
و يمكن عشان جذي الأبو يحاول يطقها وأحمد يرده !)

وليد مع سالم ..
وليد يقول هي بترجع لكن مصره تثبت برائتها ..
وسالم كالعادة يقول كلام يقهر عنها .. ليتك ما رحت و حاجيتها .. لو سامع كلام بثينة أحسن ..
قال وليد ما أحب أجذّب ..
ويتصل محمد على سالم يقوله مراح يقدر يتابع المطعم .. لأنه اخته تعبانه ..
و سالم يقول لوليد مسكين اخته فيها سرطان و الله يعينهم ..
(أسلوبه
سخيف وهو يقول الخبر .. ويقول الله يكافينا الشر يا معود!!!)و وليد يقول :
لا حول ولا قوة إلا بالله ..محمد شايل اخته مغمى عليها وطالع مع أمه
..أحمد يتذكر دلال ..
هدى مع دلال ..وتقولها أهم شي إنه بيتزوجج ..· آخر مشهد ..لطيفة وليلى وغالية ..تقولها لطيفة الفلاش شنو وداه هناك .؟وتشرح لها ..
وبعدين
ليلى تقول متأكده إنه هي نفسهااا .؟ ركزززي ترى عمري و حياتي بهالفلاش
..تقول ايي .. الحين شنو بتسوون.لطيفة : أكيد هنروح نجيبه ..
و تخلص الحلقة ..

تاريخ التسجيل : 01/01/2011

الحلقة 73 سوف تضع يوم السبت الساعة 3 فجرا باذن الله تعالى

تاريخ التسجيل : 09/02/2011

شكرااااااااااا على التغطية الكتابية

» ملخص الحلقة 76 مسلسل بين الماضي والحب حصريا
» ملخص الحلقة 79 مسلسل بين الماضي والحب حصريا
» ملخص الحلقة 77 مسلسل بين الماضي والحب حصريا
» ملخص الحلقة 81 مسلسل بين الماضي والحب حصريا
» ملخص الحلقة 80 مسلسل بين الماضي والحب حصريا