منتديات همس الروح . نعود مجددا في العمل . هام جدا ! NEW جديد 2014

تاريخ التسجيل : 01/01/2011

ملخص الحلقة 78 مسلسل بين الماضي والحب حصريا وفقط على منتديات فرفشة

ملخص الحلقة 78 مسلسل بين الماضي والحب حصريا Bjb

مشاهدة الحلقة 78 كاملة
اضغط هنا

الملخص الحلقة فقط وحصري على منتديات فرفشة

طيفة مستانسة على اللي صار ببثنية ..
تقولها أخيرا تقدرين تحبين .. وتزوجين ..
ليلى تقول ما أتوقع .. شلون وأنا راح أسجن واحد من عمامه ..
لطيفة تقولها .. يا تكملين تحرياتج .. يا تعيشين حياتج مع وليد .. لكن الاثنين ما ينفع ..
و تسألها تقولها تختارين وليد ولا تحرياتج أبوج.؟
ليلى تسرح تتذكر لما شافت وليد بلندن ..

وبعدين كلام أمها قبل لا تموت يوم تقوله طلعي من هالبيت و عيشي حياتج ..
و تذكر لما شافته بالفندق بالكويت . .
وبعدين ذكريات مع أمها عن أبوها ..
وعقب تقول أنا عرفت و قررت شنو بختار ..

بيت مريم ..
خليل يمدح أكل ستي ..
تقول مريم .. ما أحبها ..
يقولها عساج ما حبيتيها .. ستي بتقعد بالبيت و انتي مالج أي كلمة .. يالله ذلفي .

شقة ليلى ..
تقول مراح أخيب أمل أمي ..
و وليد لو يحبني صج راح يتفهم و يتحملني ..
أنا لازم أعرف منو أبوي ولو هو ذبح أهلي لازم يروح السجن . .
وتقولها لطيفة هتعملي أيه ..؟

لازم خالد وسلطان يعرفون إنه بنت سلوى موجوده ..

وليد بالبيت ..
حده مستانس ..
وأبوه يكلمه عن بثينة ..
ويقوله أنا مابي أعرف تفاصيل .. و سو إللي تبيه .. أنا ما يهمني غير سعادتك ووناستك ..
يقول وليد : راح تستانس ونص يبا .. ما تتصور شكثر ارتحت من هديت بثينة ..
بس ما عليه يبا .. كلها جم يوم و تسمع أخبار طيبة ..
أبوه يحاول فيه ..
وليد يقوله .. الصبر زين .. وأبوه يقوله نصبر ونشوف .. و يمشي ..
ووليد متحمس و يسرح يتذكر ليلى لما عزمها وراحوا الأبراج والمطعم .. أيام الفستان الأزرق ..
وبعدين يتذكر لما قالت له : " ماتدري يا وليد شكثر محتاجة أسمع منك هالكلمة "
" شلون أقدر أكرهك يا وليد وأنا أحبك "

شقة ليلى ..
تقول بودي رسالتين من مجهول .. توصل لهم بنفس الوقت ..
فيهامصورة لأمي .. و صورة من الحادث ..
و عندهم مهلة أسبوعين عشان يروحون للشرطة ويعترفون بكل شي .. لأنه عندي دليل ضدهم ..
وعقب أسبوعين .. لو ما اعترفوا .. الكويت كلها بتعرف بالحادث ..
لطيفة : بس انتي ما عندكيش إلا الكلمتين إللي قالهم لك الراجل .. ما ينفعوش يبقوا الدليل بتاعك !
ليلى : مضطرة إني أغامر .. معقب ما أدز الرسايل براقب ردة فعلهم .. وتعليقاتهم ..

ما عندي وقت .. مراح أنطر وليد طول عمري .. (أعتقد تقصد وليد مراح ينطرها طول عمرها)

ثاني يوم الصبح ..

إبراهيم وهدى ..
يتكلمون عن فاطمة .. وإنه مو راضية تقتنع .. رغم إنها تحب إبراهيم ..
وإنه بيسوون الخطة أو المفاجأة .. عقب ما يخلصون خطبة دلال ..

فاطمة بالدوام ..
زميلتها تقولها اختج اعتذرت .. و هو يحبج .. وشرايج ..
فاطمة تقول مابي مشاكل بعد مع هدى .. وهي للحين تحبه .. مابي أجرحها بعد ..
تقولها : ما أعتقد .. و انتي بهذي التصرفات راح يهدج .. بسج عنااد ..

بشقة ليلى ..
ليلى تطبع الرسالتين .. و لطيفة يمها ..
(اللقطة موجودة بالمقدمة إللي قاعدين جنب بعض معاهم أوراق ..وصورة)
ليلى شكلها ماسكه صورة لأمها مو صورتها ..
ويحطون كل رسالة بظرف مع صورة ..
ولقطة حق ليلى رايحة مكتب البريد .. (غبار ، توقعت تقطهم عند بيت كل واحد و تمشي)

بالفندق ..
خالد يدخل الشركة يشوف ليلى يرحب فيها .. و مستانس .. ووليد بعد ..
وجاسم يطالع من بعيد محبط .. (لقطة على السريع مو وايد ركزوا عليه)
وليد كل شوي يطل على ليلى وهو على مكتبه ..
وهي تطالعه إنه لحد يلاحظ ..
وهو يعاند .. وتحاول تشتغل وترد ترفع عينها تلقاه يطالعها ويبين من حركة حلجها تقول (لا تخز – مادري أتوقع!)
وهو يكمل .. وهي مو تسكر الدفتر إللي بيدها مو عارفة تشتغل ..ويضحكون ..
(تمثيل وليد بهالمشهد مو حلو طالع مادري شلون ما عجبني >__>)

بثينة ..
تشق صورة ليلى .. جزء جزء بحقد .. و تبتسم بمكر ..

بيت بدر .. في مسلسل بين الماضي والحب الحلقة 78
ياسمين تنزل تجت ووراها راشد ..
وأمها تروح تحضنها .. و مروة تطالعهم كاشرة خاطرها ياسمين ..

مروة بغرفتها تشوف صورة محمد بعرس راشد ..

محمد بالبيت مع أمه
يتذكر نائلة لما كانت تاكل وياهم ..

بيت بدر ..
مشهد بدون كلام ..
يبين أحمد يتقدم حق دلال مع أمه ..
ودلال مستحية .. (واللقطة هي نفسها إللي يحطونها بالمقدمة لما يكتبون اسمها)

بيت مريم ..
ستي تنظف و خليل يبتسم لها ..
ومريم معصبة تطالعهم ..

بيت بدر ..
كلهم يتريقون ..
و اليدة تتكلم عرس دلال .. و تقوم دلال .. واليده تقول يحليلها مستحية ..
وهدى تلحقها ..
دلال تصيح فوق .. تقول خايفة من الفحص الطبي ..

شقة ليلى ..

(لطيفة للحين ما رجعت جده !)
لطيفة : قوليلي .. شعولك أيه بعد ما رجعتي الشغل ..؟
ليلى : مادري .. بس مستانسة إنه وليد بيكون وياي ..
وبنفس الوقت خايفة .. لأنه خالد مافي أي درة فعل عنده .. أحس إنه هاديي واايد ..
و شكل الرسالة للحين ما وصلت .. واليوم عندي موعد غدا عند حصة و سلطان ..
وأنا الحين أعرفهم عدل وراح ألاحظ .. مستحيل أبوي توصله أخبار مثل هذي و ما يتأثرر ..
يعرف إنه سلوى "ماتت" (برسالة قايلة سلوى ما ماتت) و عندها بنت موجوده للحين و ما يبين عليه .. ما أعتقد ..
لطيفة : تفتكري هيحصل أيه لما يوروا الرسايل لبعض أكيد هيعرفوا إنك مش ماسكه أي حاجة عليهم لأنك باعتالهم الاتنين ؟
ليلى : ما أعتقد .. لأنه الحين بينهم وايد مشاكل .. و مو وايد قراب من بعض .. يالله بيباي ..

بيت سلطان ..
حصة تتكلم عن بيعة سلطان لحصته .. و إنه محد متشجع يشتري بسعر زين عقب اللي نزل بالجرايد ..
وإنه يهدي اللعب .. مراح يبيع الحين ..
نذكركم الملخص حصريا علي مدهش
هذا الجزء الثاني من الملخص
خالد بالمكتب ..
ويدخل موظف يعطيه البريد ..
ويفتح الظرف ..

ليلى داخله الدوام ..
أول مرة يحطون موظفين رايحين راجعين .. !
ليلى تشوف مكتب خالد مسكر على غير العادة ..
و تسأل مروة لو في شي ..؟
تقولها لا أبوي مسكر الغرفة من لما يه .. كان معصب ومايبي يشوف أحد ..

خالد يقرا الرسالة :
سلوى ما ماتت بالحادث .. وعايشة وولدت .. ويابت بنية ..
والبنت هذي أنا .. وإنت أبوي ..
للأسف طلعت مجرم قاتل،
لأن عندي دليل واضح على إن الحادث كان جريمة قتل
عندك أسبوع واحد بس عشان تروح تعترف حق الشرطة
ولا بفضحك
الطفلة التي لم تقابلها
...

ببيت سلطان ..
سلطان وحصة بالصالة .. و الخادمة تييب ظرف تعطيه سلطان ..
سلطان يفتح الظرف .. يلقى داخله ظرف ثاني .. فيه نسخه من خبر الحادث ..
ويقرا أول الرسالة بصوت عالي : سلوى ما ماتت بالحادث ..
ويكمل قرايه وهو ساكت ..
و حصة تقول شفييك ..؟ و تقعد يمه وتقرا معاه هي بعد ..
وهو ويهه مصدووم ..
ويقول : ما مامتتت !!! ما ماتتت ..

راشد يقول لياسمين أمج النسرة تحت ..
و تنزل تكلم أمها ..
وهي منصدمة .. تقولها شفيج تغيرتي ..
وهذا ولد الماسي لا تفشلينا ..
تقولها هم أهم مني .؟
وأمها تقولها اللي فيج مو طبيعي .. يمكن حامل ..؟
تقولها لا إن شاء الله ما أحمل من هالخايس ..
يمه عفيه ساعديني .. أبي أرد البيت .. مابي أقعد عندهم ..

شقة ليلى ..
مريم تقول حق لطيفة .. إنه أخيرا راح نطلع .. أنا مليت من هالاربع حيطان ..
تقولها مريم : شرايج تدورين شغل و تعيشين عندنا بالكويت ..
لطيفة تضحك ما تقول شي .. ومريم تصوت على غالية ..
ويقعدون مريم ولطيفة يتكلمون ليلى و إنه راسها يابس وإلا تبي تعرف السالفة ولا راضية تتزوج وليد ..
وتغلط مريم بالكلام و تقول : غالية بنتي طالعه عنيدة على بنت خالتها ..
وتسمعها غالية .. تقول ليلى بنت خالتي ؟ ليش قلتيلي إنها بنت رفيجتج ؟

بيت خليل ..
يقفل باب البيت .. ويروح لستي تقشر بطاط ..
ويقعد يقولها مافي أحد بالبيت ..
ويقول مريم متينه .. وأنتي واجد حلو .. و أنا حبي انته ..
تقوله أني يبي زواج ..
قال زاوج .. ؟ إذا تبين اليوم .. أطلقها هالشيفة هذي .. أنا يسوي كل شي من شان إنت ستي ..
و بعدين هذا بيت خراب من شان أنا .؟
يقولها ايه .. خل يولي خراب .. يا ويلي ويقشر معاها ..

غاليه مع أمها و لطيفة و شكلها قالت لها ..
وغالية تقول مسكينه ليلى ما تستاهل إللي صار فيها ..
وامها تقولها لا تكلمين مع أحد بالموضوع فاهمة ..
و غالية .. إي إي .. بس وناسة بنت خالتي .. و أنا كنت حاسة إنها قريبة مني من أول مرة ..
مريم : هي من زمان تبي تقولج بس ناطره الوقت المناسب ..
غالية : زين إنها قاعد تدور على أهلها إللي هم أهلي الحين .. وناسة ليلى بنت خالتي ..

بغرفة ياسمين ..

هي نايمة .. وفي دكتورة موجوده ..
تقول عطتها إبره مهدئة ..
تقول الأم بنتي تقولي شغلات تخرع عن ريلها ..
تقولها وديها طبيب نفساني .. وتمشي ..
أمها تقول لراشد لا تقول لأحد من أهلك أنا فشلانة منك ..
يقولها ياسمين بعيوني لا تحاتين ..

بالشركة ..
ليلى تقول لمروة بروح أتغدا تبين شي .. تقولها لا
وليلى و هي طالعه .. تشوف أم راشد يايه ..
و تسلم عليها وترد أم راشد بنفس ..
و مروة مستغربة .. تقول أم راشد إنه خالد متصل يقول يبيلها ضروري ..
ومروة تقول أبوها صاك الباب على نفسه طول الوقت ..
وليلى تسمع الحوار و تطلع ..

خالد و أم راشد ..

أم راشد : خالد خير .. شصاير خرعتني .؟
ما يرد عليها و يعطيها الرسالة تقرا ..
تقول : سلوى ما ماتت .. !! (شكلها متأثرة أكثر من إنها خايفة !)
خالد : لا ما ماتت .. و عندها بنت بعد ..

· آخر مشهد من مسلسل بين الماضي والحب الحلقة 78:

بيت سلطان ..
متوتر ..
وحصة تقوله : يمكن أحد يعرف السالفة من زمان و يبي بتزكم الحين ..
سلطان : ماكو .. كلنا جم واحد إللي يعرف سالفة سلوى ..
حصة : يعني إذا سلوى عايشة .. و عندها بنت هني بالكويت .. معناته بتفضحكم .. معناته مصيبة كبيرة ..!
ويرن الجرس ..
حصة : هذي أكيد ليلى .. شنو بنسوي .. شبنقول !!
سلطان : أنا مالي خلق أتكلم .. لا بحصتي ولا بأي شي .. مالي خلق أي شي .. (على أعصابة)

تدخل ليلى ..
تسلم عليهم .. يردون باختصار .. وواضح متوترين ..
وسلطان يفرك إيده ..
ليلى : شلونك استاذ سلطان .. ؟ شكلي ييت بوقت مو مناسب .. خير صاير شي .؟ (وتشوف الرسالة بحظنه)
سلطان يقلب الرسالة .. : لا مو صاير شي ..
هذا مكتوب من عيالنا بلندن .. شغلونا بمشاكلهم و الهموم .. يعني .. و بس .. وانشغلنا معاهم ..
ليلى : عسى مافيهم شي .. عسى هم بخير .؟
سلطان : لا هم بخير .. لكن يعني مشاكلهم ما تخلص .. مشاكلهم وايد .. (موعارف يتكلم عدل )
ليلى : أنا أٌقول أخليكم براحتكم .. أييكم بوقت ثاني إن شاء الله..
(ليلى متحمسه إنها شافت ردة فعلهم)

ملخص الحلقة 78 مسلسل بين الماضي والحب حصريا وفقط على منتديات فرفشة

تاريخ التسجيل : 01/01/2011

تم اضافة الملخص

» ملخص الحلقة 73 مسلسل بين الماضي والحب حصريا
» ملخص الحلقة 75 مسلسل بين الماضي والحب حصريا
» ملخص الحلقة 76 مسلسل بين الماضي والحب حصريا
» ملخص الحلقة 79 مسلسل بين الماضي والحب حصريا
» ملخص الحلقة 77 مسلسل بين الماضي والحب حصريا