منتديات همس الروح . نعود مجددا في العمل . هام جدا ! NEW جديد 2014

تاريخ التسجيل : 01/01/2011

ملخص الحلقة 79 مسلسل بين الماضي والحب حصريا وفقط على منتديات فرفشة

ملخص الحلقة 79 مسلسل بين الماضي والحب حصريا Bjb

مشاهدة الحلقة 79 كاملة
اضغط هنا

الملخص الحلقة فقط وحصري على منتديات فرفشة

الملخص كامل

ليلى تطلع من بيت سلطان .. يحطونها بالسيارة .. تتذكر إنه خالد قافل على نفسه
المكتب .. وسلطان شلون توتر.. وتقول : ليش أثنينهم توتروا و اونعفسوا .. المفروض بس
واحد .؟ إللي هو أبوي ! ولا هم أثنينهم .. لهم علاقة بالحادث .؟ دلال راجعة البيت
مع يدتها .. تقولها شفيج اختبصتي من بعد الفحص .. ودلال مالها خلق .. و اليده تصعد
.. وأحمد يتصل يقولها شنو صار على الفحص .؟ تقوله عقب يومين النتيجة .. وتكفى لا
تتخلى عني وإنت عدتني .. يقولها لا تحاتين .. و راح نتزوج .. ولما يسكره يقول لأمه
كاسرة خاطرة .. وإنه وده يقولها الصج ويريحها .. وأمه تقوله هي بتعرف النتيجة و
بترتاح .. و ما عليك من أبوك .. قال أنا بس بفكر بزواجي من دلال و بس .. سالم ووليد
.. سالم : بثنية يطلع منها كل هذا .. ما أصدق .. ! (نفس الجملة قالها بس الفرق قال
ليلى >__>) وليد : كنت بقولك أول ما دريت .. بس شسوي .. لاهي مع الشغل و
الوالدة .. سالم : والله أنا إللي مادري شقولك .. ، ما بقى شي ما قلته على
هالمسكينة ليلى .. ترتست راسك عليها (إي عيل تعلم تسكت وايد أبرك) ، و الله يسامحني
بس .. (وإن شاء الله نسامحك بس!) وليد : لا تحاتي السلم .. شدعوه .. بثينة لعبتها
صح .. فكرت بكل شي .. الكل كان واقف معاها .. سالم : والحين .؟ وليد : مابي أشوف
رقعة ويهها نهائيا .. و بقط وراها سبع جمرات .. ، أنا بتزوج ليلى .. اليوم عازمها
على العشا .. يايبلها هدية حلوة .. بثينة .. بدارها تصيح .. و تصيح .. وتتذكر ليلى
تهاوشها .. ووليد يهاوشها .. وتتذكر كلام نهى عن ليلى و جاسم .. .. وتقول : أملي
الوحيد الحين .. هو إنت يا جاسم .. غالية وأمها راجعين البيت .. ومستغربين البيت
فاضي .. وغالية تقول بتروح حق لطوف .. مريم تدخل غرفتها تلقى ستي بفراشها .. وخليل
طالع من الحمام .. تقوله في بيتي ..؟ و على سريري .. و تصيح .. وهو ساكت .. جاسم
يلتقي مع بثينة .. المهم يروح لها عند سيارتها .. يقولها : هلا بثينة شلونج .؟
بثينة : اصعد أبي أكلمك كلمتين .. بيت سلطان .. خالد داخل مع منيرة .. كل واحد معاه
الظرف .. يقولون لبعض .. إنت بعد .. ! منيرة : أكيد هي بنت سلوى .. بس شتبي !!
شكلها تبي فلوس من عندنا .. ! ليلى ووليد .. قاعدين بكفيه و إزعاج .. يعني مو مال
مشهد مصارحة !! المهم ليلى مالها نفس .. وليد يقولها شهالحلاوة الليلة ؟ بس فيج شي
.؟ وين بالج .؟ ليلى : مافيني شي .. وليد : يقولها ما أعرفج أنا .. فيج شي .. ليلى
: صار شي اليوم و ما توقعته .. مابي أتكلم فيه .. وليد : خلاص .. مراح أضغط عليج ..
، وإللي عندها دوا الحين و بينسيج إللي فيج .. - ويطلع علبة خاتم - . . تفضلي ..
أرخص هدية لأغلى إنسانه على قلبي .. ليلى تفتح العلبة مترددة .. وتشوف الخاتم ..
بدون كلام .. وليد : عساني بس أنسيج إللي سويته فيج .. هذا شي بسيط أقولج فيه إني
أحبج .. وأبيج تسامحيني .. ليلى منربط لسانها مو عارفه تتكلم .. وليد : ليلى شفيج
!؟ ليلى .. تسكر العلبة .. و تدمع عينها .. و متضايقه تبي تنفجر .. وتقوله أنا ما
أقدر أخش عنك أكثر من جذي .. أنا لازم أقولك كل شي .. وليد : ليلى إنتي جذي قاعد
تخوفيني .. شلليل خاشته عني .. ! شلي بتقولين لي إياه ؟ ليلى : وليد أنا ما أقدر
أخش عنك أكثر من جذي .. و إذا ناوي تتزوجني و ترتبط فيني .. أنا لازم أقولك أنا منو
! وليش يييت الكويت .. وليد : مو لأنه أمج توفت الله يرحمها .. و ما عندج أهل بلندن
.. و يايه تبدين حياتج من يد و يديد هني بالكويت .. ؟ ليلى : لأ مو بس عشان جذي ..
وليد : عيل عشان شنو ..؟ ليلى : عشان الحق إللي ضاع .. عشان إللي صار حق أهلي ..
وليد : ماني فاهم ! ليلى : وليد أنا ييت الكويت عشان أعرف منو أبوي .. وإذا كان هو
إللي ذبح أهلي ولا لأ .. وليد : أبوج مو توفى بلندن ! ليلى : هذا الكلام إللي أمي
أقنعتني فيه .. وأنا اقتنعت فيه كل هالسنين .. ولا عرفت إنه أبوي عايش إلا لما ييت
الكويت هني .. واكتشفت إنه أبوي موجود هني بالكويت .. وليد : أنا أساعدج حبيبتي
عشان تلاقينه .. وإذا كان متورط و له علاقة .. هم بساعدج تحرين عنه .. ماله داعي
تتوترين جذي .. وتخشين عني من اليوم و رايح .. أنا أحبج .. مراح أخليج بروحج ..
ليلى : ما أعتقد تقدر تساعدني يا وليد .. وليد : أنا أحبج شفيج ..؟ صدقيني راح
أساعدج .. وإذا موضوع أهلج مهم عندج لهالدرجة .. فأنا مهم عندي أنا بعد.. (مسكين
متحمس) ليلى : وليد .. إنت مو فاهم الموضوع .. وليد : إي فهميني .. أول شي إنتي
تعرفين اسم أبوج .؟ عطيني اسمه وأنا أييبلج إياه و أطلع لج كل تفاصيل حياته ..
شتبين بعد .. ؟ ليلى : وليد ... (يحطون على وليد .. ويه متهيء لقنبلة .. مع موسيقى
تشويق ^^ ؛ ) ليلى : أنا بنت عمك .. وليد (ضحكة استنكار كأنه تتغشمر معاه .. بعدين
ويه مصدوم وجدي) : شنو !! بيت سلطان .. خالد : أكيد هالمكاتيب هذي لعبة .. والأكيد
أكثر .. إنه سلوى ماتت مع أهلها .. حصة : بالعكس .. الظاهر إنها ما ماتت .. وولدت
بعد .. سلطان : خالد معاه حق .. مو معقولة نصدق ورقة ياتنا و جذي .. أكيد هذا واحد
يبي يبتزنا ويبيله فلسين .. حصة : لأ ما ظنتي .. لأنه إللي دازهم .. يبي الأبو يروح
الشرطة و يعترف بعد ! منيرة : المهم إللي دازهم .. ما يعرف منو فيكم إللي كان عنده
علاقة بسلوى .. وعشان جذي دازهم لكم إنتو الأثنين .. سلطان : أنا أقول هذي لعبة ..
و لا إللي داز الأوراق هذي مايدري عن شي و لا يعرف شي .. خالد : خلينا نتصل على بدر
.. يمكن وصله نفس الشي .. منيرة : بس إنتو جذي بتفتحون على نفسكم باب .. أصلا بدر
ما يدري عن السالفة .. مايدري عن سلوى و قصتها .. ليش تقعدون تخبرونه .. إحنا
الأربعة بس إللي ندري عن السالفة .. (واليدة بعد تدري! ولا قصدها شي ثاني يوم قالت
لليلى واحد تزوج!) سلطان : إللي مستغرب منه ، إنه يقول .. إنها جريمة .. و هي حادث
سيارة .. (أمبييه حصة متووتررة و تلعب بالسلسلة على رقبتها متوترة.. و منيرة
تطالعها وتنزل عينها !!!!) خالد : لا جريمة ولا شي .. حادث قضاء و قدر .. حادث
سيارة (من صجهم الاخوان يتكلمون صج مايدرون عن شي !) سلطان : والله مادري شسوي !
خالد : ولا أنا .. حصة : عيل إحنا لازم نشوف لنا حل سريع .. إحنا بروحنا مو مترقعين
عقب سالفة الفلوس إللي بالجرايد . . هالدور فضيحة ثانية ! عيل قولوا على الشركات
والعايلة السلام .. منيرة : خلونا نعرف منو إللي دازهم و شيبي !؟ خالد : خلوني أنا
أتحرى عن الموضوع .. أنا إللي أعرفه إنه سلوى عندها أحد هني .. يمكن يعرفون شي ..
سلطان : وأنا بعد من ناحيتي بحاول .. بس تكفى ياخوي .. أي غلطة ثانية ممكن تكلفنا
وايد .. محنا ناقصين .. مريم بالبيت .. على الدري في حالة صدمة .. وخليل ينزل شايل
جنطه وجدامه ستي نازله الدري .. بثينة و جاسم .. (كتابة اسمهم مع بعض مصيبة في حد
ذاتها!) (بثينة من غير مكياج .. حالتها يرثى لها .. يائسة لأبعد حد ) جاسم : آها
يعني انتي هني عشان ليلى .. بثينة : صح جاسم : وأنا شاللي ربطني بليلى .. بثينة :
طبعا دريت .. إنه عرسنا تكنسل .. جاسم : إي أدري .. ليش ليلى لها علاقة بالموضوع ؟
بثينة : ليلى هي السبب .. و بسببها كل شي صار .. جاسم : إييه .. كنت شاك .. بثينة :
وأدري إنه بينك و بينها مشاكل .. جاسم : أدري شنو بتقولين .. تبيني أساعدج إنه
هالزواج مايتم .. عدل ! بثينة : طلعت أذكى مما توقعت .. أنا أدري إنك تحب ليلى ..
جاسم : أنا أحب ليلى .. بس مابيدي شي أسويه .. بثينة : إمبلى .. إذا فكرنا عدل ..
بنقدر نسوي شي .. ونخرب عليهم الزواج .. جاسم : أنا الحين ما أقدر أسوي شي ..
مابيدي شي .. بثينة : ليش ! مو هذي حبيبتك .. مو لازم تدافع عن حبك .. إنت ريال مو
قادر تسوي ولا شي .. شوفني أنا .. بنية .. وبدافع عن حبي .. مابي حبيبي يروح لوحدة
ثانية .. جاسم يفكر .. بدا يقتنع .. ليلى ووليد .. (كتابة اسمهم مع بعض وناسة في حد
ذاتها pp: ) ليلى : شلون كنت تبيني أعرف إنه الريال الوحيد إللي وقف معاي وساعدني
بلندن .. يطلع ولد عمي .. ! الريال الوحيد إللي حبيته فحياتي .. أول مرة عزمتني
فيها على العشا .. ما كنت أعرف أي شي عن أبوي .. ما كنت أعرف أي شي عن حياتي ..
(وليد يسمعها مندممج) بس عقبها عرفت .. تتذكر يوم كنا بأبوظبي على البحر .. تتذكر
لما قلت لك إنه أنا ما أقدر أكمل معاك .؟ وإنه إحنا مستحيل نكون حق بعض .. (وليد
ويهه يتذكر و يحلل منصدم مسكين) وقتها .. (وتخنقها العبرة) وقتها كنت مفكرة إنه إنت
أخوي مو ولد عمي .. يعني ما كنت أعرف شي .. بس عقبها .. عرفت إنه استاذ بدر مو أبوي
.. و إنه إنت ولد عمي .. وليد : بصراحة مادري شقولج .. مخي افتر !! إنزين ليش ما
قلتيلي من قبل .؟ ليلى : شلون أٌقولك موضوع مثل هذا يا وليد .. أنا في البداية ما
كنت أدري منو فيهم أبوي .. كنت شاكه في الثلاثة .. عقب ما تحريت .. عرفت إنه
الاستاذ بدر مو أبوي .. كنت ميته وأقولك .. بس شقولك يا وليد ! أقولك إنه واحد من
عمامك ذبح أهلي .. دمر حياتي !؟ وليد : ليش قلتي لي الحين .؟ ليلى : لأني أحبك ..
لأني أحبك وإذا تبي تعيش معاي لازم تعرف كل شي عني .. ما أقدر أخدعك يا وليد ..
وليد : أكيد أحبج و أبيج .. بس إللي قاعد تقولينه شي خطير .. فيه خراب بيوت .. و
إنتي قاعد تهتمين واحد من عمامي إنه خطط حق جريمة قتل أهلج .. ليلى : أدري إنه شي
مو سهل ويعور القلب .. بس خالتي مريم قالت لي .. إنه أمي قايله لها إنه ما كان مجرد
حادث .. أمي كانت تدري عن كل شي و خاشة بقلبها .. ما قالت حق أحد .. كانت تعاني
بروحها .. أدري إنه أهلك .. و أدري إنه عمامك .. و أدري إنه أبوي .. بس إذا فعلا
واحد فيهم له صلة بالموضوع .. لازم يدفع الثمن يا وليد .. وليد : شلون بنتزوج وإنتي
بقطين واحد من عمامي بالسجن .. الموضوع وايد تغير الحين .. ليلى : أدري إنه أهلك ..
و عزيزين عليك .. وعايلتكم كبيرة .. ، بس أمي كانت بروحها .. وما كان عندها غيري ..
و أنا لازم آخذ حق أمي يا وليد .. وإذا إنتي تحبني و تبي تتزوجني .. لازم توقف معاي
و تساعدني .. عندك استعداد ولا لأ ؟ وليد : والله مادري شقولج .. الموضوع وايد حساس
.. ليلى إنتي جذبتي علي .. ليلى : أنا في البداية .. ما كنت أعرف شي يا وليد ..
وتوني قلت لك كل شي .. هذا إللي أعرفه .. وليد : شلون تبين أصدق كل هذا .؟ شلون
تبين أثق فيج و إنتي بتقطين واحد من عمامي بالسجن !! عشان قصة خيالية مادري شلون
صايرة ! ليلى : هذي قصة حقيقية يا وليد مالها شغل بالخيال .. هذي حياتي .. مابي
أدمر حياة أحد .. أهلي إللي تدمرت حياتهم ويمكن واحد من عمامك ماله شغل بالسالفة ..
بس شلون أنا بعرف إذا ما تحريت عن السالفة كلها .. وليد : أنا ما أقدر أساعدج
بهالموضوع .. كل ما أحس نفسي تقربت منج يطلع لنا شي يديد .. ليلى : أنا ما أقدر أخش
عنك أكثر من جذي يا وليد .. أنا قلت لك كل شي .. القرار راجعلك .. تبي تصدقني ولا
لأ. . أنا قلت لك كل شي عني و كشفت لك كل أوراقي .. أنا مابيك إنه إنت تساعدني أو
توقف معاي .. أنا كل إللي أبيه منك إنه أنت تصدقني .؟ (مساع تقوله لازم توقف معاي و
تساعدني!) وليد : أنا لازم أفكر بالموضوع .. ملييت .. و تعبببت من إللي سوته فيني
بثينة .. صرت مقصة . . تبين أحد إيدي بإيد إللي بتقط عمي بالسجن ! ليلى : أنا مو
قاعد أقص عليك يا وليد .. وليد : ليتج ما قلتيلي .. يحطون مريم تتذكر .. و تصييح و
إلخ .. مريم بروحها .. تتذكر لطقات لستي وزوجها .. و تتذكر آخر شي شافتهم .. و تدخل
غالية .. ومريم تمسح دموعها .. و غالية تنادي ستي .. وتشوف أمها و تسأل عن ستي ..
تقولها طردتها و مراح ترجع مره ثانية .. غالية : ليش .؟ مريم : هذي سوالف كبار ..
ما أقدر أقولج ياها .. إذا كبرتي بتعرفين كل شي .. غالية : انا مو صغيرة و الخ الخ
.. مريم : أبوج طلع مع ستي .. غالية : شنو !!! بيت الهايمي .. فيصل : إياني وإياك
تبطل حلجك حق بثينة .. ترى الموضوع خطير مو سهل .. وليلى هذي لا تنغر فيها ..
انساها شيلها من مخك إحنا نبيها تسكت و بس .. إن درت ليلى إنه إحنا قلنا شي حق
بثينة باجر عيال الماسي يدرون عن كل شي سويناه .. يعني بتفضحنا بدقيقة وحده ..
(سوري قلت لكم إنه قال لبثينة لأنه سمعت المقطع الأخير بس .. ما سمعت إنه يحذره )
جاسم : يا يبا افهمني .. أنا ودي أساعد بثينة عشان أوخر وليد .. وإذا وخرت وليد ..
راح يصير لي أمل بليلى .. فيصل : خلاص اللعبة انتهت .. إنت خسرت .. وليد إللي كسب
.. لازم تفهم هالشي و تتقبله .. ويقوم .. جاسم يقول بنفسه : وليد ما كسب و أنا
محظوظ و طلعت لي بثينة .. مريم بداراها تصيح .. وغالية تدخل تكلمها .. تقول لأمها :
انا احبج وبوقف وياج .. و أنا كنت أخاف من أبوي(ومشهد أم و بنتها ما عرفوا
يمثلونه.. ) وليد و ليلى .. ليلى : بليز وليد .. فكر لا تاخذ قرارك بسرعه .. ترى
أنا في النهاية بنت .. و بروحي بهالعالم .. (ما يلوق هالكلام من ليلى القوية نصيرة
المرأة) مالي إلا ذكرى أمي العزيزة علي .. ولو إنت بمكاني كنت سويت نفس الشي ..
وليد : أنا مصدق قصتج .. و إني صريحة معاي .. بس ليلى إنتي تأخرتي بهالصراحة ..
شلون تبيني أجمع بين حبنا و تحقيق العدالة إللي تبينها .. شلون ..؟ صعب ! إنتي
اخترتي تاخذين حقج .. أنا وايد متضايق من هالموضوع .. وإللي يعور أكثر .. إنج
خشيتيه عني من زمان .. عقب إللي سته بثنية قمت أشك بكل شي .. قمت أشك إنج ما
حبيتيني .. دشيتي عندنا بالشغل بس عشان تحرين و تاخذين راحتج بكل شي .. وساعدتج
بهالشي .. وإذا واحد من عمامي انقط بالسجن بصير أنا السبب .. لأني أنا إللي سهلت
عليج كل شي .. ليلى : وليد بلييز .. لا تفكر بهالطريقة .. وليد : ليلى أنا أدري إنج
متضايقة الحين .. بس لازم تفهمين وضعي .. و تعرفين شلون قاعد أفكر .. لازم ما نشوف
بعض من اليوم و رايح .. (ليلى تتضايق بس متوقعه) ولا تحاتين .. أنا مراح أقول حق
أحد.. لازم أفكر عدل بالأول .. ليلى : ياريت .. أتمنى إنك تفهمني و تعذرني .. وليد
.. يهز راسه .. يقول يالله .. (أختصار يالله أنا ماشي) و يمشي .. ليلى تطالعه يروح
.. متضايقة .. ياسمين نايمه بالغرفة .. تدخل مروة تقولها قومي عشا .. تقول ياسمين :
مروة لا تخليني .. أخوج بيذبحني بالأدوية .. راشد يلتقى بعادل .. وعادل يقوله مايبي
يشوفه و إنه ندم على اللي سواه و بيرجع لزوجته و عيالها .. ومتحسف باللي سواه ببنات
الناس .. وامسح رقمي من تلفونك .. و إنت كودة مشاكل تمشي .. وراشد يعصب .. يقوله
انت حسبالك هذوله بنات ناس .. و كل واحد يركب سيارته .. خالد ومنيرة .. منيرة :
عطني الظرف أنا بحرقه .. خالد : الظرف هذا الدليل الوحيد إللي بيوصلنا له أو لها ..
تقوله اكيد واحد راح يبتزنا .. ويدري عندنا فلوس .. قالها معاج حق .. لازم نكون
حذرين .. سلطان راجع البيت .. حصة تسأله بشر شنو صار ؟ قال كلم واحد من المباحث ..
و بيشوف لو واحد من أهلها له علاقة بالمكتوب .. (إن شاءالله يسحبون مريم المخفر ..
ويبهذلونها وتقول كل شي) ويقول إنه إللي أعرفه أهلها ماتوا بسيارة .. و ما عندنا شي
نخاف منه ! وإن شاء الله الامور تنحل .. شقة ليلى .. لطيفة تهاوش ليلى هوااااش .. و
ليه قلتيله .. راح يفضحج .. دا جنان رسمي !! ليلى (تصيح) : ما كنت ناوية أقوله ..
بس يوم شفت عطاني الهدية .. ما قدرت أتحمل .. إنتي ما شفتي شلون كان يطالعني .. ما
شفتي الحب إللي فعيونه .. حسيت بالذنب .. بس أعتقد إني سويت الشي الصحيح .. لطيفة
تقولها أنا حاسه فيج لأني صديقتج .. بس هم لأ .. وهو راح يحذرهم منج .. وانتبهي للي
راح يصيرلج منهم .. ليلى : عارفة .. ومستعده .. بس قلبي يقولي إنه مراح يقولهم شي
.. لأني أدري إنه يحبني .. و راح يتفهم موقفي و راح يسامحني .. وليد بغرفته ..
يتذكر مقتطفات من الحوار .. يقول : معقولة .. ليش قاعد يصير معاي جذي .. ليش لما
لقيت إللي أبيها .. ليش لما أول مرة أحب بحياتي .. ليش ..!؟ ثاني يوم الصبح .. بيت
مريم .. (صراحة مو إمبين واضح إنها مكتئبة لأنه خلقة كئيبة و غم و نكد فحالها مو
يديده ! إلا حاطة كريم أساس عكس العادة!) لطيفة وليلى عندها .. (ليلى بلاسة الطقم
البيج مال المسدس و مع نفس الجنطة البنية) ليلى : وإذا ما رجع شنو بتسوين .؟ لطيفة
: يختي و الله إن شاء الله عنه ما رجع .. عايزة أيه منه !! عايزة آيه من واحد
بيضربك (وتبدا تحسب بأصابعها) وبيشتمك .. و خاينك و يعني .. (وتنغزها ليلى تسكتها
هيهيهيهي ) ليلى : تعالي صج .. ليش ما قلتيلي إنه يمد إيده عليج .. مريم : خليل طول
عمره يمد إيده علي .. ببس أخر شي أتوقعه .. يسوي جذي وبيتي .. و مع خدامتي .. لطيفة
: بس يا مريم عشان إنتي قطعتي قلبي.. إللي أنا مش قادرة أفهمه .. هو تمام يعني إنه
يعمل كده بره بيتك بس جوا بيتك هي اللي سببت المشكلة الكبيرة ؟؟ ماهي كلها خيانة يا
مريم إنتي عايزة تجنننييي ؟؟ - ليلى تحاول تسكتها - (كاااااااااااااااااااك المشهد
عجيب .. و الله محد راح يبرد جبدنا بسالم غيرج يا لطيفة إديلوووووووووو) فهميني بس
.؟ المبدأ دا خاين .. رااجل خاين .. إنتي فاهمة يا مريم ؟ (ولا خالتي ولا بطيخ من
كثر ماهي ياهل) مريم : كل إللي كنت أبيه من الدنيا ريل حنون .. الحين ما بقالي
بالدنيا إلا غالية .. و إنتي يا ليلى (من قرادة حظج يا ليلى) ليلى : هدي نفسج يا
خالتي واللي الله كاتبة بيصير .. مروة واصلة الدوام .. تلقى محمد بالمواقف ..
يقولها : ممكن أتكلم معاج كلمتين ..؟ وليد بالمكتب .. متنرفز.. و يهاوش نهى ..
(لابسة أسود أظن نفس لما تكون ورا جاسم وهو يهدد ليلى) تقوله لو سألته بثينة مراح
تقولها شي .. و تشكره .. يتصل بو علي .. يقول لوليد إنه هو تحت .. آخر مشهد : بوعلي
ووليد باللوبي .. بوعلي : أنا ما ييتك المكتب لأني بكلمك بروحك قبل لا أكلم خالد .
وبدر .. و سلطان .. الشريط وصل من لندن .. و شفت منو إللي حرق الأوتيل ب " الدوحة "
.. و تخلص الحلقة ..

الملخص كامل قريبا

باقي حلقات المسلسل
اضغط هنا

ملخص الحلقة 79 مسلسل بين الماضي والحب حصريا وفقط على منتديات فرفشة

تاريخ التسجيل : 01/01/2011

تم اضافة الملخص

» ملخص الحلقة 75 مسلسل بين الماضي والحب حصريا
» ملخص الحلقة 76 مسلسل بين الماضي والحب حصريا
» ملخص الحلقة 77 مسلسل بين الماضي والحب حصريا
» ملخص الحلقة 81 مسلسل بين الماضي والحب حصريا
» ملخص الحلقة 80 مسلسل بين الماضي والحب حصريا