منتديات همس الروح . نعود مجددا في العمل . هام جدا ! NEW جديد 2014

تاريخ التسجيل : 01/01/2011

ملخص الحلقة 77 مسلسل بين الماضي والحب حصريا وفقط على منتديات فرفشة

ملخص الحلقة 77 مسلسل بين الماضي والحب حصريا Bjb

مشاهدة الحلقة 77 كاملة
اضغط هنا

الملخص الحلقة فقط وحصري على منتديات فرفشة

مشهد ليلى و وليد .. وليد ويقف التسجيل .. ليلى : ماتبي تسمع بعد؟ وليد متوهق ..
منحرج .. بعدين يعصبب .. ويقوم ليلى : وليد وين رايح !؟ بيثنة ماشيه باتجاه مكتب
وليد .. تلتقي معاه صوب مكتب ليلى بالضبط .. وليد وايد أطول من بثينة أول مره ألاحظ
هالفرق لأنه كله قاعدين هالمره قباله ! مادري هو طايل مع الدشداشه ! شككووو بثينة :
وينك وليد .. الناس ناطرينك بالمطعم .. سألت عنك فاطمة .. قالت لي إنه في وحده
نادتك .. منو هذي ؟ ليلى : هذي أنا .. وتكون هذي اللقطة
http://www.almlf.com/get-4-2012-almlf_com_upd... بثينة : هذي القذرة شتسوي هني !!
إنت شمقعدك معاها .. (وتهاوش مع الويه) وليد : إذا في وحدة قذرة هني .. فهي إنتي ..
بثينة : شصاير ؟ (مختررعه) وليد : ليلى مخلصه .. مو مثلج يا الواطيه . . (أوف أوف)
بثينة : قصت عليييك !! أمبييه .. بكلمتين قصت علييك !!! هذي أكيد يايه تخرب علي . .
وليد شفيك أهلنا ناطرينا بالمطعم .. وليد : ماني رايح مكااان (يمه شرار طالع من
عينه) بثينة : شفيك .. ؟ أنا شنو سويتلك .؟ ليش تعاملني جذي ؟ هذي أكيد يايه تخرب
علي .. هذي تكرهني تبي تخرب علي .. ليلى : (واقفة بثقة مكتفه إيدها وتكلمها من
بعيد) بسج تمثيل .. خلاص .. وليد عرف كل شي .. وعرف عن عبدالله شريكج و المسرحية
إللي سويتيها بأظبي .. فإذا في وحدة حقيرة عني فهي إنتي .. (طايحيين تهزيييء
فيهااااااااا) بثينة : هذي شقااعد تقوول .. هذي مينونه .. إنت تدري إنها تبي تدمر
حياتنا .. تبي تخرب بينا .. أصلا هي ما عندها دليل .. وليد : بس من حظي الحلو
هالمرة .. إنه ليلى عندها الدلييل .. وأثبتت لي شكثر كنت منعمي وأنا مصدقج .. وشكثر
لعبتي علي .. وشكثر أذيتها بسبتج .. (ويستمر الشراررر) بثينة : جذابة هذيي !! أكيد
يايبتلك شي مزوور .. شي مو صحيح ! وليد : آآ .. تبين تشوفين الدليل !! أقصد تبين
تسمعيينه .. تفضلي .. (ويسحبها مثل الذبيحة) بثينة : آيي !! وليلى متسنده عند باب
المكتب .. تستمتع بالمشششهد .. ياريتني ويااهم أصفررررر ويوديها المكتب .. يقعدها
على الكرسي .. بثينة : وليد شفيك .. ؟ ليلى : بيسمعج خوش تمثييله .. ويشغل المسجل
على صوت عبدالله (الله يرحمممممك) لما كان يايلها البيت و يقولها الولد بيزوج وحده
واطية مثلج .. المطعم .. يقولون وين وليد .. وبدر يقول الفرحة ناقصة .. من غير فضة
.. وإنه يبي يرجع تعود على فضة .. دلال ومروة .. يتكلمون عن نائلة و محمد .. تقول
حرام أكيد زعلانه .. و مسكينه أمه .. وبحاجيه الحيين .. محمد محتاجني معاه الحين
أكثر من أي وقت ثاني.. لازم أوقف معاه .. دلال تروح لأمها تلقاها نايمة .. الممرضة
تقولها : حالتها تسووء .. وما تقدر تسوي أي شي بروحها .. ولا حاسة بأي شي .. دلال
تكلم أمها و تقولها إنها تحبها .. بيت أهل ياسمين .. الأم تسكر التلفون .. تقول
صديق زوجها يشتغل بالمطار .. ويقول إنه ياسمين وصلت .. الحمدلله .. ولازم نعرف هي
وين .. سألت كل رفيجاتها .. محد يعرف شي .. يقولها حتى هدى رفيجتها .. سألتيها ..
قالت لا هي بنت عمك .. ما أعتقد بتسوي شي يضركم .. تقول أم راشد . . اي هي كانت عند
مروة ما تسوي جذي .. راشد .. هدى كانت عند مروة أمس !! أمه : تهقى تكون خاشتها
!!؟خل أدق عليها .. راشد : لا لا أنا راح أدق .. ويقوم .. أمه تقوله وين رايح .. ،
قال رايح أدور مرتي .. إبراهيم و هدى .. (ترى كاشخه توها تستوعب إنها غنية) يقولها
: مشكوورة .. الفكرة وايد عجبتني .. تقوله العفو .. و يرن موبايلها وهو يشمي ..
راشد : سؤال واحد أبيج تجاوبيني عليه .. ياسمين وينهي .. هدى اخترعت .. لطيفة
وياسمين .. ياسمين تحاتي وناطره المحامي .. وتقول للطيفة شكلج انتي بعد تحاتين ..
تقول قلقانة على ليلى .. البنت دي غلباانه .. وجعالي قلبي .. ياسمين تقول يارب ..
بمكتب وليد .. وتستمر التسجيلااات .. وبثينة عيونها يمين يسار .. مررتبكه مخترعه ..
و التسجيل عن عزيز .. و عبدالله .. ولما تقول لعزيز دزيت البوكييه .. وتتأمر عليهم
و تهاوشهم .. وليد .. تقدرون تقولون يعطيها طراقات بعينه .. وبعدين يوقف التسجيل ..
بثينة : وليد هذي مو أنا .. لا تصدق .. أكيد هذي يايبه وحده صوتها يشبه صوتي ..
ومسوية الفلم هذا كله .. لا تصدقهاا .. (ليلى واقفة وراها وتسوي حركة تضحّك ..
معصببه ودها تخنقها) وليد : بسج !! بسج تمثييل !! متعنية لي أبو ظبي بس عشان تخربين
سمعة البنية ! أنا بفهم هالآدمي هذا شلون رضى يساعدج ! (ترى هم أثنين وليد ، جان
ودك تنتقم .. وترى واحد مات والثاني موجود) ويكمل وليد : صج إنج واطيه .. (سوري ما
أكتب جذي كلمات بس لازم عشان تعرفون لأي درجة معصبب) بثينة : أنا مظلومة ..
(تتمسكن)صدقني لا تصدقها .. وليد : تبين أصدقج ! وأنا طول هالمده قاعد أعامل البنية
مو زيين عبالي هي الجذّابة .. لدرجة إني بغيت أتزوجج ! أتزوج وحده نصاابة (يزفهااا)
بثينة : هذا سوء تفاهم .. بشرح لك أنا الحين .. (هههههههههه صج شي يضحك) وليد :
شتبين تشرحين عقب إللي سمعناه !!! بثينة : وليد .. أنا سويت كل هذا عشان أحبك ..
عشان أحميك .. هذي ما تلوق لك .. (مسكينه تحسون مضطربة عقليا وهي تتكلم برافوو
ملااك) وليد : ليش منو إللي تناسبني ! وحدة نصابة و حقيرة مثلج ..؟ (نبرتها أقوى
بدبلاات من لما كان يهاوش ليلى) أنا بروح المطعم فوق أقولهم يكنسلون الزواج ..
ويقوم .. تمسسسسسسسكه ... بثينة : وليد لا تروح .. لا تدمر حياااتي .. أرجوك وليد
.. لا تروح .. (ليلى تطالع وليد خايفة تكسر خاطرة) بثينة : أنا سويت كل هذا عشان
أحبببك .. أنا أحبك وليييد .. يسحب إيده بقووه .. وليد : وخريي إيييييدج .. ويمشي
.. تقوم بتلحقه .. ليلى توقف بويهها .. بثينة : وخري عن طريجي .. ليلى : منتي
متحركة من هني .. أنا أقول ستري على عمرج .. لا تنفضحين جدام أهلج .. بثينة تخااف
ههههههههههههه .. بالمطعم .. أم بثينة : انت شقاعد تقول وليد .. نلغي الزواج .؟
أكيد إنت قاعد تغشمر .؟ ما يصير جذي يمه .. بدر : وليد شتقول إنت !! هذا زواج مو
لعب (معصب أبوه) وليد : روحي المكتب و اخذي بنتج و ردي البيت (بنبره حازمة حادة) أم
بثينة : يا حسرتي على بنتي .. شسويت فيها .. وليد : أم بثييينه !! أنا عرفت كل شي
.. تعرفين يعني شنو كل شي .. أحسنلج و أحسن حق بنتج إنكم تطلعون من الفندق الحين ..
بدر : أبي أعرف شسالفة .. شصاير .؟ وليد : بعدين أشرح لكم .. بس الحين لازم كل
الناس تعرف إنه الزواج تكنسل .. هذه التكملة ونذكركم الملخص فقط حصريا علي يوتيوب
مدهش هدى مع راشد.. وتقوله أنا شدراني .. و إن شاء الله تلاقيها .. ويمشي عنها ..
هدى تتكلم وتقول حق ياسمين إللي صار .. وتقوله لا مو لاحقني .. كاني يايتج بالطريج
.. وراشد لاحقها .. ليلى رايحه سيارتها .. وتتفاجئ بوردة جوري صــفرا .. (ويحطون
لحن وليد وليلى تعرفونه عاد (ويحطون لحن وليد وليلى تعرفونه عاد 3> ) وتطالع
الوردة .. متضايقه على مستغربة .. وتفكر .. يحطون راشد للحين يلاحق هدى .. ليلى
سرحانه .. وليد : ليلى .. و يقرب منها .. هي تطالعه ساكته .. (شكلها مو عارفة لو
تستانس ولا لأ خايفة يصدمها) وليد : سامحيني .. ليلى تبتسم .. و وليد يبتسم .. بشقة
ليلى .. هدى تقول المحامي ما قدر إيي اليوم .. طلعت له شغلة ضرورية .. ياسمين تحاتي
راشد يدل مكانها .. و هدى تمشي .. تنزل . و راشد .. يقول بنفسه .. هي ساكنه هني ..
بس بأي شقة !! محمد عند بيتهم بره .. تييله مروة يركب معاها .. يقولها استغربت داقه
علي .. تقول درت عن اخته الله يرحمها وقالت لازم تشوفها .. ويقول انه تعبان .. و
امه تعبانه .. تقولها شلون أساعدك .. قلبي يتقطع .. محمد .. انج ترجعين لي .. راشد
يقرا عن الجرس اللي تحت يكون مخصص لكل شقة .. ويقرا اسم ليلى .. ويقول ليلى هنيي !!
عيل أكيد ياسمين عندها .. بشقة ليلى .. لطيفة تقوم تقول بتاخذ شاور .. يرن الجرس ..
و ياسمين تسأل لطيفة أبطل الباب .؟ ناطره أحد .؟ لطيفة : آه تلاقيها مريم (هالمريم
لازم تخرب حتى لو مالها شغل) ياسمين الذكية ما تطل من العين السحرية .. وراشد يدخل
ويحط إيده على حلجها .. و يهددها يسحبها غصب عنها .. وليد وليلى .. بمطعم .. وليد :
سامحيني .. ليلى : شنو ؟ (عبالي بتذله شوي .. أثاريها تقصد شنو .. إنه ماله داعي )
وليد : أبيج تسامحيني على كل شي .. ليلى : أنا مسامحتك يا وليد .. (تعابير ويها نفس
لما كانوا على البحر ويقولها إنه يحبهاا) إنت مالك ذنب . . كان على عينك غشاوة
اسمها بثينة .. وهي مو مسهلة ؟؟ ممكن تخدع أي أحد .. (تبررين له بعد أنا قلت إنج
عاقلة) وليد : كان لازم أصدقج .. لازم ما أشك فييج .. (حدها مستانسسه) ليلى : إنت
مالك ذنب .. إنت شفت ريال بروب الحمام فغرفتي .. شنو كان ممكن تفكر فيه ..
(استعدووا للرد) وليد : كان لازم أفكر إنه "حبيبتي" مسوية فيني مقلب .. 3> ليلى
: حبيبتك ؟ (الوناسة بتنط من عينها D:) وليد : من أول يوم شفتج فييه .. (تفاجئئت
وتنزل عينها مستاانسة، واستعدوووا ) وليد يكمل : ليلى أحبج .. وأموت عليج .. 3>
ليلى : ماتدري يا وليد شكثر كنت محتاجة أسمع منك هالكلاام .. (طايرة ليلى) وليد :
أحبج .. و كنت أغبى واحد في الدنيا لما صدقت بثينة .. معنه قلبي طول هالمده يقولي
العكس .. أنا مراح أسامح نفسي على إللي سويته فيج .. ليلى إنتي كنت صادقة معاي ..
ومخلصة طول هالمده .. كنتي تحاولين توريني إني منعمي .. مو شايف الضجية جدامي .. بس
أنا إللي ما كنت أبي أسمع منج شي .. ولا كنت راضي أصدقج .. و فوق كل هذا .. إنتي
جدامي الحين .. و مسامحتني بطيبة قلبج وحنانج .. هذا بدال ما تكرهيني و تشمتين فيني
وبغبائي ( فشل نفسه بسامحه خلاص) .. ولا الكلام السم إللي كنت أسمعج إياه ! ليلى ..
أنا راح أطلب منج تسامحيني لي آخر يوم بحياتي .. كل يوم الصبح راح أقوم كل يوم ..
راح أقولج " صباح الخير حبيبتي سامحتيني ؟" (حتى مهند ما سواها D:) ليلى : شلون
أٌقدر أكرهك يا وليد وأنا أحبــك .. وليد (متحمس) : نقدر نبدي من يديد .. أنا أبي
العالم كله يدري إني أحبـج وأمـوت عليج .. تقدرين تعطيني هالفرصة ؟ ليلى مستانسة ..
ويقطعون المشهد .. هذا المقطع اللي قبل الاخير لحلقة اليوم يعني باقي ما انتهينا
شقة ليلى .. لطيفة طالعه بالروب .. و تنادي .. انتو فيني يا بنات .. ياسمين ..
غالية .. وتشوف باب الشقة مفتوح .. وتنادي ياسمييين .. وتسكر الباب .. تقول هو في
أيه انا مش فاهمة حاجة .. لتكون عملت في نفسها حاجة .. راشد يحسب ياسمين و يدزها
للسيارة .. ويمشي بسرعه .. المشهد إللي بالتتر .. مروة ومحمد .. ودي نجرع و نتزوج
.. بس ما أقدر .. إنت تدري مجتمعنا ما يرحم .. محمد : يعني تزوجين واحد غير ما
تحبينه ؟ مروة : مادري .. بس ماني مستعده أواجه عواقب تخرع .. (عاجبتني تفكر بعقلها
مو قلبها عشان ما يصيرون عيالها نفس مصير نائلة المسكينه) محمد : مروة تكفين فكري
.. مروة : إن شاء الله .. أوعدك إني راح أفكر .. يعتذر منها إنه مضطر يمشي يروح
لأمه .. ليلى ووليد .. وليد : ليلى .. أبيج .. و أبي أتزوجج .. (استحت .. العادة
تطالعه وعادي لووول) آخر مره طلبت إيدج فيها قلتيلي ما تقدرين .. في شي ما أعرفه ..
(تتغير ملامح ليلى) فعشان جذي لما شفت هالزفت عبالي إنه هذا الشي اللي خاشته عني ..
ليلى : وليد .. مو عبدالله الشي إللي أنا خاشته عنك .. وليد : الحين أدري .. بس هم
في شي خاشته عني .. ليلى أنا بكون زوجج .. ما يصير في بينا أسرار .. ليلى : وليد
أنا أحبك .. و عمري ما حبيت غيرك فحياتي .. وأسعد يوم بالنسبة لي إللي أكون زوجتك
فيه ..(استانس وليدان) بس عندي موضوع مهم بحياتي لازم أخلص منه قبل لا أرتبط فيك ..
وليد : إنزين شنو هو .؟ كل مشكلة و لها حل "حبيبتي" .. (خفوا علينا شوي مسرع طاحت
الميانة وين قبل مقدمات عشان يقول أحبج وهي ما غير تقوله أعزك .. P;) وأنا راح
أساعدج فيها .. ليلى : ياريت .. ياريت تقدر يا وليد .. بس الموضوع شخصي وحساس وأنا
لازم أخلص منه عشان أقدر أكمل حياتي .. وليد : في أحد ثاني بقلبج ؟ (تقولك شي .. و
موضوع .. ما قالت شخص .. لازم تفهم غلط !) ليلى : مافي إلا وليييد .. متربع فيه
لآخر يوم في عمري .. بس الموضوع عائلي و حساس وأنا لازم أخلص منه بأسرع وقت .. وليد
: إيدي بيدج "حبيبتي" إللي تبين .. إللي تبين .. ليلى : "حبيبي" أنا بس بطلب منك
إنك تصبر علي شوي .. أنا لازم أنتهي من هالموضوع بسرعه .. ووقتها .. الخيار لك ..
(وليد استغرب) إذا تبي تتزوجني حزتها ولا لأ .. وليد : شلون مابي أتزوجج !! أبي
أتزوجج ونص (بإصرار) ليلى تساانسن .. وتسرح تحاتي .. وهذا الجزء الاخير من حلقة
اليوم ونذكركم حصريا علي يوتيوب مدهش تابعونا يوميا بيت ثينة .. أمها : وخزياه ..
وين نودي ويهونا من العالم .. بثينة : سكتي لا تعقدين تردحين جدامي .. الأم تقول
فشلة مهي طالعه من البيت .. وتقولها جان خذيتي الريال بدون دوابير وجذب .. بثينة
(اللي نفس ما قال عنها وليد من أوصاف) تهاوش أمها تقولها روحي ردحي بغرفتج مالي
خلقج ترى . والأم تقوم مع الويه .. وبثينة منهارة على القنفة .. ونهى تطالعها ..
مروة داخله البيت .. تكلم بالتلفون مستغربة انه ياسمين موجوده .. وراشد يسمعها .. و
لما تسده يطلع من وراها يسحبها من شعرها يقولها ياسمين فوق .. وخذت جزاها و ويهددها
يوديها هي و رفيجها البدون ورا الشمس.. ويصعد حق ياسمين .. مسكينه شعرها منكوش و
منخشه بالسرير .. يقولها شنو سويت بمروة .. يقولها أمه و أبوه مو بالبيت .. الجو
على كيفه .. ويقول القانون و العرف يقولون إنج زوجتي و أسوي إللي أبيه .. وإنه لو
قالت حق أمها عن عادل .. ترى هو قايلها كلام عنها .. تقوله تبي أغراضها من عند ليلى
.. يقولها ما تطلع من البيت و بيخلي واحد ياخذهم .. ويقولها لو ما تعدلتي مراح أطقج
.. و تقولين لأهلج إنج غلطانه .. وإنج كنتي مكتأبة .. بيت بثينة .. بثينة : لازم
أدمرها .. بصيد عليها شي .. نهى تتذكر لما شافت جاسم وليلى يتهاوشون .. وتقول ازاي
نسيت أٌقولك .. أنا مره شفت ليلى بتتخانق مع جاسم .. و أنا نفسي ما صدقتش اللي شفته
.. بثينة : ليش ؟ شنو بينهم و بين بعض .. ؟ نهى .. بصي أنا كنت واقفة بعيد .. بس
باين إنه كان في موضوع كبير بينهم .. بثينة : عيل بطلي عينج و عرفي الموضوع عدل ..
نهى : مش عايزة اتدخل .. وليد لو عرف هيفنشني .. بثينة : بتساعديني يعين بتساعديني
.. وليد سمع كل التسجيلات .. يعني أكيد سمع صوتج معاي يعني يدري انج وياي باللعبة
(بس التسجيلات لعبدالله! إلا لوقالت اسم نهى وإنها ساعدتها أو بتتصل فيها تعرف عن
ليلى ) تقولها انا خسرت كل شي .. و انتي خايفة على وظيفتج .. سكرتيره .. صج انج ما
تستحيين ! قومي قومي .. طلعي بره .. يلعن أبو شكلج .. وتطلع نهى .. و تقول بثينة
أنا أوريييج يا ليلى أنا وراج و الزمن طوويل .. وصار الليل .. وليد وليلى بسيارة
وليد .. وليد : هالمرة مراح أخليج تخلصين مني .. ليلى : ومن قالك إني أبي أتخلص منك
.. وليد : خلاص عيل .. خلصي موضوع أهلج بسرعه عشان نقدر تزوج حبيبتي .. وإذا غيرتي
رايج .. وحابه تشاركيني فيه .. و تقولين لي عنه .. أنا موجود ومعاج وين ماتبين ..
ليلى : إن شاء الله .. و إنت حط بالك على نفسك يا وليد بليز .. (مستانس) تلاقي
بثينة تدور لها مليون فكرة و فكرة عشان تنتقم منا .. (شاطرة حذريه) وليد : لا
تحاتين حبيبتي .. بثينة انكشفت الحين .. صارت ماضي .. وبس .. ليلى : إن شاء الله ..
الله يسمع منك .. وليد : ولا تنسين تردين شغلج .. وبترقيه بعد .. أنا ظلمتج .. ليلى
: وليد .. ماله داعي الترقية . . وليد : إنتي تستاهلين الدنيا كلها .. مو بس
الترقية .. ليلى (مستانسه) : تصبح على خير .. وليد : وإنتي من أهله 3> وتنزل ..
( و ما فتح لها الباب الجنتل مان > _ > الظاهر يصير حنتل بالبدلة بس P;.. )
بيت بدر .. اليده تتذمر .. واخزياه متعنين ويايين و حالتهم حالة .. دلال : سمعتي أم
بثينة شقالت وهي طالعة .؟ قالت أمشوا أمشوا خيرة ما كنا نبيهم .. اليده : الحمدلله
و الشكر .. خبله .. يقول الأبو أكيد وليد شايف شي عليها .. فاطمة تقول ما كانت تحب
بثينة تحس طاقتها سلبيه .. (حلوة هذي) وتقول اليده .. هدى ماتبي الولد .. وليد ما
يبي بثينة .. بس خيره .. خلوني أتفرغ لعرس واحد .. الكل يبي يتزوج بنفس الوقت خلوني
أتفرغ حق دلال حبيبتي .. دلال ساكته متضايقة .. تقولها اليده ليكون هونتي عن الولد
.. اذا هونتي قولي من الحين .. لا تقعدين تفشلينا جدام الأوادم .. دلال .. لا بس
أبي أعرفه أكثر (علينااااااااا) بدر يقول مستانس بإنه ولد فيصل يبي بنيتها .. و
انهم صداقه و عشرة عمر .. و فيصل ما شك فيه أنه باق الشركة مو مثل اخوانه .. بشقة
ليلى .. ليلى : الحين ما نقدر نساعده .. دام حط إيده عليها .. خلاص (زين تفرغي
لأبوج بلا فزعات) لطيفة : تصدقي قلبي واجعني عليها .. تعالي .. قوليلي .. حصل آيه
مع بسينة ووليد .؟ ليلى : بيييررفكت .. لطيفة : لا أنتي تحكيلي بالتفصيل كده .. و
بعدين نفكر فياسمين .. بيت الهايمي يتعشون .. تقول الأم كلها يومين و نخطب حق
حمادوه .. الأبو يقول أسعد أيام حياتي .. بدر انذل .. و الاخوان تفرقوا .. و الياي
أشد و أعظم .. زين ولا مو زين .. وأحمد متضايق .. فاطمة تروح لدلال غرفتها ..
تقولها شفيج .؟ قالت شلون أفرح و أمي جذي .. و فاطمة تقول امج راح تظل جذي سنين ..
ولازم نكمل حياتنا .. تقولها صح كلامج .. تقول بنفسها .. لو تدرين .. أحمد يقول
لأمه.. أنا خايف من أبوي لو ما سويت إللي هو يبي .. صدقيني راح يذبحني .. أمه : ما
عليك منه شنو بيسوي .. و إنته بتزوج اللي تحبها .. و تعيش معاها بعيد عن شره .. أنا
أفتخر فيك إنك ما طاوعته .. و عسى الله يرزقكم الذرية الصالحة .. وأحمد يقول آمين
الله يسمع منج .. · آخر مشهد .. مشهد حق خليل و الخادمه .. ومستانس .. و غالية تقول
أول مره تشوف ضروس أبوها .. و مريم تقول ماتبي ستي في البيت .. و خلصت الحلققققة ..

مسلسل بين الماضي والحب الحلقة 77

ملخص الحلقة 77 مسلسل بين الماضي والحب حصريا وفقط على منتديات فرفشة

تاريخ التسجيل : 17/04/2012

وين الحلقه ما تشتغل Twisted Evil

تاريخ التسجيل : 01/01/2011

باقي اختي الحلقة يوم الاربعاء - اليوم انشاالله الحلقة 76 باخر اليل تنزل انشاالله

تاريخ التسجيل : 17/04/2012

يعطيك العافيه

تاريخ التسجيل : 01/01/2011

الله يعافيكي شرفتي اختي

» ملخص الحلقة 78 مسلسل بين الماضي والحب حصريا
» ملخص الحلقة 73 مسلسل بين الماضي والحب حصريا
» ملخص الحلقة 75 مسلسل بين الماضي والحب حصريا
» ملخص الحلقة 76 مسلسل بين الماضي والحب حصريا
» ملخص الحلقة 79 مسلسل بين الماضي والحب حصريا