السلام عليكم ورحمة الله وبركآته .. وبعد ..
انا عضو جدييد وإن شاء الله راح اكون عند حسن ظنكم .. بدون مقدمآت .,
جبت لكم اليوم ملخص الحلقة 80 .. قرآءة ممتعه للــــجميع
تفضلي .. هذا الملخص كامل ..
ملخص الحلقه 80
وليد يشوف الفيديو ..
ويحطون جاسم نازل يتلفت ..
ويعرفه وليد ..
ويصعد لنهى يقولها دقي على أبوي و عمامي اجتماع ضروري .. ولازم جاسم يحضر..
ويدخل مع لو بو علي غرفة الاجتماعات ..
ويستنتجون .. إنه جاسم حرق الفندق عشان أبوه يشتري نصيب بأرخص سعر ..
و بوعلي يقوله لازم تدق على الشرطة .. و يدق وليد ..
بيت بدر ..
دلال داخله مستانسه معاها النتيجة ..
ويدتها تقولها شفيج كنتي تحاتين .؟
تقول الواحد يرتاح إنه صاحي 100 % ..
تقول اليده بدق على أم جاسم ..
بيت الهايمي ..
الأبو مستغرب إنه دلال مافيها شي .. واليده تجذب ..
يقول أحمد إنه : دلال بنت محترمة و مافيها شي .. وأنا ما سويت إللي تبيه و عصيتك يبا ..
والأبو معصب ..
هدى تروح لفاطمة الدوام ..
تقولها عازمتج على الغدا ..
وتوافق ..
وهدى تتصل على إبراهيم .. تقوله إنه وافقت ..
وهو يفرح ومعاه عمر ..
ويقول لعمر إنه يبي يتزوجها ويارب توافق ..
وعمر يقوله بتوافق ..
>< " وااي
(مشهد إبراهيم من أوله لآخر و شلون خايف وشلون فرحاان .. مثل اليهال بالضببط،
، حسافة يلوق لها واحد أعقل من جذي لو سالم أحسن !)
ليلى بالشركة ..
وتكلم لطيفة تقولها الشركة منقلبه فوق تحت مادري شصاير !
ووليد مع عمامه كلهم باجتماع طارئ ..!
لطيفة : يمكن حاجة بالشغل .. ؟
ليلى : هم متهاوشين مع بعض ما يتيمعون إلا لأنه في جايد .. تهقين سالفة الرسايل !؟
لطيفة : مش عارفة .. بس خلي بالك و فتحي عنيكي قوي ..
ليلى : مادري . . بشوف وبقولج ..
الشركة .. بغرفة الاجتماعات ..
وليد يقولهم بالتدريج عن الحريجة بفعل فاعل ..
وأنه بيوريهم كل شي .. بس ناطر واحد ..
وجاسم يدخل بكل براءه يسلم و يقول عسى ما شر .. ؟
وليد يقومله : الاجتماع هذا عشانك يا مجرم ..
جاسم : وليد عن الغلط .. عمي أنا ماشي ولدك ما يحشم أحد ..
وليد يمسكه مراح تمشي من هني إلا لما تتكلم .. ليش حرقت الفندق !؟
جاسم يوخر إيد وليد .. : وخر إيدك .. خلني أطلع ..
خالد : جااسم !!!؟
بيت الهايمي ..
ينفعل فيصل ..
ومرته توقف بويهه ..
والأبو يقوله علمتها كل شي ..!
وهي تقوله أحمد مو طالع عليك .. و تقوله كلام شايلته من السنين شكلها ..
وبعدين يبي يسطرها ..
أحمد يمسك إيده و
الأبو : وخر إييدك عني !!
وأحمد يدزه على القنفة ..
والأبو مصدووم ..
الشركة ..
جاسم للحين يبي يطلع ووليد ما يخليه ..
سلطان : يعني الحريجة إللي صارت مو تماس كهربائي .. ؟
بوعلي يقص لهم القصة ..
وليد يقول عنده سي دي يبين إنه السيد المحترم هو حرق الفندق ..
جاسم يقول موص ج ومافي دليل ولا شي ..
سلطان : يقوله أوص ولا كلمة لو طلعت إنت إللي حرقت الاوتيل إن ما ذبحتك ما أكون سلطان ..
بيت الهايمي ..
أحمد يعطي أبوه محاضرة .. و يطلع إللي بقلبه ..
وإنه الأبو متروس غل و كراهيه ..
ويقوله : إنت و جاسم طلعوا بره البيت .. تعيشون بجدة ..
وأنا أمي بنظل هني .. و لا بنقول لبيت الماسي ..
الأبو ساكت مصدوم ..
مروة و محمد ..
للحين يحاول فيها ..
وهي تقول ما تبي يصير لها نفس ما صار بأمه ..
يقولها يحبها .. وبيلخيها أسعد إنسانه .. وتفكر ..
وهي ساكته ..
ياسمين وراشد ..
تبي تطلع .. يقولها مافي ..
و عزمي لميا و عادل و لزمي عليها ..
وهي تقوله شلون تدخله بيت أبوك ..
وأنا ما أقدر أمثل جدامهم طول العشا ..
يقولها يلا جدامي ..
ويقول بنفسه .. عادل ما تغير علي إلا منج ..
ياسمين تتصل على مروة ..
وإنه فشلة و مافي أهانة أكبر من جذي ..
ومروة تقولها لما أرجع البيت أقولج شلون تخلين هالعشا يصير لصالحج ..
الحين أرجع البيت ماني رادة الدوام .. نطريني ..
بالشركة ..
سلطان منفعل أكثر واحد عشان فندقه .. وماسك جاسم من قميصه ..
ويقول :تحرق الاوتيل و تسبب بموتة واحد بريئ انت شنو !!
الاخوان يهدونه ..
جاسم ينكر .. ويقول صدقوني أحد يشبهني ..
وليد : الكاميرا إللي بره مصورتك وإنت طالع مع الناس بنفس اللبس ..
وإنه أبوه شريكة بالجريمة .. هذا يسوي شي بروحه !!
بدر : ماني مصدق فيصل صديق عمري يسوي فيني جذي !!
وليد : يبا أنا كلمت الشرطة .. وهم وصالين عشان ياخذونه ..
بعدين لما يعرف في شرطة يايين ..
و يطلع المسدس .. (وههههه يخترعون ضحكوني وليد ضبطها)
ويقولهم جاسم :
ليش هي الدنيا فوضى !!؟
خالد : تعووذ من بليس ..
جاسم : أنا كنت حاس إنه الاجتماع فيه شي و حسبت حسابي .. أنا ما أطيح من غير لا أدافع عن روحي ..
أنا بمشي .. و إللي بيحلقني .. بيفرغ الرصاص براسه ..
وبدري يقول واحد يلحق هالمينون قبل لا يسوي جريمة ..
ولما يطلع صوب نهى .. تكون ليلى واقفة .. ويسحبها ..
ليلى : إنت شقاعد تسوي !؟!؟
وليد : جاسسم !!
جاسم : إذا قربت راح أذبحها صدقني ..
وليد : تعوذ من الشيطان لا يصير فيها شي ..!
جاسم : إذا أحد لحقني راح أفرغ المسدس براسها .. جدااامي .. و (ويسحبهاا)
ولما يطلع بره الشركة ..
وليد يركض و أبوه يناديه ولييد .. وليد .. خل الشرطة يتصرفون .. تعال ..
فاطمة و هدى ..
يروحون مطعم مافي إلا إبراهيم ..
وهي تنصدم ..
وبعدين مشهد .. المواقف ..
وليد : جاسسسم ..
جاسم : لا ترقب .. و إذا قربت أرميها .. (ويحط المسدس على ويهها صوب عينها وهي تغمض مسكينه)
وإذا لحقتني .. عادي أرميها بعد ..
وليد يطالع ليلى خايف .. وهي تهز راسها إنه لأ ..
وليد : أوكي .. (ياخذ نفس ورا بعض) أوكي ..
وجاسم يخلي ليلى تركب سيارتها هي تسوق ...
ووليد يطالعهم مقهور مو قادر يسوي شي .. بعدين يحطون كأنه خطر بباله شي ..
فاطمة و إبراهيم وهدى ..
فاطمة : شسالفة .؟
هدى : السالفة إنه حرام أثنين يحبون بعض يفترقون ..
أنا مابي أعيش طول عمري أكون سبب في فراقكم و معاناتكم ..
الله يخليج فطوم .. لا تعاندين روحج أكثر من جذي .. (وتحبها على راسها)
فاطمة : صراحة .. مادري شقولج ..
هدى : لا تقولين لي شي .. شوفي إبراهيم شنو يبي يقولج ..
و أنا بروح السوق أتشرى .. و أرجع لج بعد شوي .. يلا حبيبتي .. و تحضنها ..
إبراهيم : تفضلي ..
مخفر الشرطة ..
الشرطي : لا تحاتي .. عممنا أوصاف السيارة و أوصاف جاسم ..
وليد : مشكوور ..
الشرطي : روح البيت .. وبس نلاقي ليلى بنخبرك إن شاء الله ..
وليد : يعطيك العافية .. ما تقصر ..
جاسم وليلى ..
يقولها امشي أسررع ..
تقوله : شلون أدووس سيارتي ما تمشي .. !! (لايعه جبدها منه ولا جنه معاه مسدس)
يقولها : دوسيي .. فلم أجنبي هو .. ! امشي يالله ..
ليلى : وين تبينا نروح .؟
مو شغلج .. كملي سيدا ..
إبراهيم و فاطمة ..
تقوله ما توقعت هدى يطلع منها هالشي ..
يقولها هي تغيرت وما تمنالج غير السعادة .. مثلي أنا ..
فاطمة : و مشاعرها .؟
إبراهيم : لو بتتضايق جان ما خططت لهالمفاجأة الحلوة ..
لا تصيرين على روحج قاسية جذي .. خليني أحبج .. وحبيني .. مثل ما أنا أحبج بعد .
و أناأبيج تكونين مع معاي طول العمر .. أبي أتزوجج ..
فاطمة مستانسه ..
هدى ودلال ..
دلال ياتهم المول ..
وهدى تقولها نجحت الخطة ..
ودلال تبشرها بالنتيجة ..
ويقولون وناسة العرس بيكون عرسين ..
جاسم يخلي ليلى توقف بمكان ..
و ينزل ..
وهي تمشي ..
بيت الهايمي ..
فيصل نازل من الدري معاه جنطه .. (شدعوة هالصغر حشى جنطة لاب توب!)
وأحمد يطالعه ..
و الشرطة تطق الباب ويفتح لهم جاسم .. و يكون معاهم بدر ..
الشرطي يقول فتشوا البيت ..
ويقوله بدر :
إنه انكشف .. عرفنا إنه ولدك جاسم حرق فندق أبو ظبي .. وإنه إنت ورا كل هذا ..
جاسم بتكسي ..
ويوصل عند بيتهم يلقى شرطي .. ويقول للتسكي يمشي ..
بيت بدر ..
خالد : بدر راح مع الشرطة يفتشون بيت فيصل ..
سلطان : بهالسرعة هذي قدروا إييبون إذن تفتيش !
خالد : على فكرة يمه .. اتصلت على منيرة و هي يايه بالطريج ..
اليدة : عسى الله يجمعكم .. ويحفظكم .. قولوا آمين ..
العيال : آمين .. آمين ..
وليد يحوس وراهم مايدري عنهم ..
سلطان : وليد شفيك يبا ؟
وليد : قاعد أحاتي خالجلب هذا أخاف يسوي بليلى شي !!
اليدة : يا سبحان الله .. رفجة عمر .. ولا شفنا و لا حسينا عليهم بشي .!!
موبايل وليد يرن ..
وليد : ألو .. هلا والله .. لقيتوها ..؟؟ إنزين هي فيها شي ..؟ زيين الله يبشرك بالخير ..
انحاش .؟ جهنم باللي ما يحفظه (مرة سبع جمرات لبثينة والحين جهنم لجاسم، بعدين شهالاسلوب إنت تكلم شرطي مو سالم!)
إنزين ولا عليك أمر .. ممكن تييبونها البيت (إي جذي يكلمون الشرطة p; ) .. يعطيك العافية .. فمان الله ..
لقوها .. بس الجلب هذا انحاش .. (حاشاكم يعني)
خالد : هي مافيها شي الحمدلله .. ؟
وليد : لا مافيها شي ..
سلطان : أشوه يا معود إنها بخير .. والله ما تستاهل هذي الفقيرة المسيجينة هذي ..
طاحت بديني هالجلب (حاشاكم) إللي ما يخاف الله ..
اليدة : اللهم لك الحمد و الشكر ..
بيت بثينة ..
بثنية ماسكه الموبايل : نهى ما ترد علي !! شسوي الحين !! من بيقولي معلومات عن وليد .. !
أمها : إي طبعا .. عقب ما تنكسل عرسج .. ووليد ما يبيج .. أكيد محد يبي يحاجيج ..
بثينة : تتشميتن فيني !! هذا بدال ما توقفين معاي .. ! ترى مالي خلق نجرة !
أمها : حتى انا .. بروح داري أبرك لي ..
بثينة : أحسسسن ..
يوصل لها مسج " أبيج ضروري .. أنا واقف عند بيتكم " ..
تفتح الباب تلقاه ..
جاسم : بثينة .. سمعيني .. إنتي أكيد تبين معلومات عن ليلى .. أنا بعطيج كل المعلومات .. بس بشررط .. خشيني عندج هني بالبيت ..
بثينة : شنو ؟ شلون أخشك بالبيت !!
جاسم : مادري بثينة .. بس المعلومات إللي عندي تخليج تدبرين لي مكان ..
بثينة : وإنت شمسوي عشان تبيني أخشك.؟
جاسم : ما له داعي تعرفين ..
بثينة : أنا أمي إذا درت إني خاشة ريال بالبيت بتذبحني (من صجها ! من يصدق تخاف من أمها!)
جاسم : سمعيني عدل .. المعلومات إللي عندي تخليج تردين وليد .. وتودين ليلى ورا الشمس ..
بثينة تتذكر كلام نهى إنه ليلى تتخانق مع جاسم ..
بثينة : والله على حسب قوة المعلومات إللي بتقولهم .. هذا مو لعب .. !
جاسم : المعلومات عن ماضيها يعني تودرها ..
بثينة : أخشك بالملحق عندنا يومين .. بس يومين ..
جاسم : وأنا موافق .. على ما أدبر لي طلعة من هالديرة ..
بثينة : الظاهر سالفتك جايده ! بس دير بالك تورطني مع الشرطة ..
جاسم : لا تحاتين .. إنتي مالج شغل ..
بثينة : بخشك بغرفة السايق .. بس أول شي أشوف المعلومات إللي عن ليلى..
جاسم : ماشي.. بس يبي لاب تبوج وتعالي .. أنا ناطرج بره ..
بيت الهايمي ..
فيصل !!
ينكر إنه له علاقة باللي سواه جاسم و إنه ماله شغل بولده إخذوه حاسبوه هو ماله دخل ..
ومرته تتحسب عليه ..
وأحمد يعصب .. يعترف على أبوه .. يقول لبدر عمي لو تبي أدله على أبوي تفضل وياي المكتب ..
بثينة و جاسم ..
جاسم : طبعا كل شي موجود عندي بالإيميل .. المعلومات هذي كلها .. يتنا عن طريق مخبر خاص بلندن ..
اول شي .. اسم أم ليلى : سلوى العبدالله .. غيرت اسم العايلة لي شاهين ..
ثاني شي .. اسم أبو ليلى بالجواز مزيف . . وماله أي وجود أصلا ..
بثينة : وليش سوت جذي ..؟
جاسم : الظاهر إنه في سالفة جايده خشتها وماتبي أحد يعرفها .. والظاهر إنه ليلى بنت حرام .. وماتبي أحد يدري ..
بثنية : وعيال الماسي مستحيل يخلون ولدهم ياخذ وحدة بنت حرام .. خوش ملعومات برافو عليك..
جذي مثل ما اتفقنا .. أخشك يومين بس .. أوكي ..
جاسم : أوكي ..
بثينة : عن إذنك ..
بيت الهايمي ..
أحمد ياخذ بدر يروايه اللاب توب إللي يراقب فيه الشركة ..
ويقوله سالفة الحسابات و السي دي والخ ..
وإنه أبوي و أخوي ماعندي أقرب منهم.. بس إللي سووه ما ينسكت عنه ..
وبعدين بدر يقوله إعتبرنا أهلك .. أنا أبوك ووليد أخوك ..
يقوله تكفى اشرح لبنتك .. عشان ترضى تزوجني ..
وبدر مستانس عليه .. يقوله لا تحاتي ..
بيت بدر ..
الشرطي وصل ليلى ..
وخالد ووليد يشكرون الشرطي ..
تدخل ليلى .. ويكون سلطان و حصة .. ومنيرة و اليده ..
وليلى تسلم على اليده بس .. واليده تسلم عليها بحرارة ..
خالد : سلامات يبه .. ما تستاهلين .. (حنون حده 3>)
ليلى : الله يسلمك . .
حصة : حسبي الله عليه .. الله لا يوفقه .. عسى ما أذاج بس .؟
ليلى : لا الحمدلله أنا بخير .. بس بلحظة حسيت إني بموت .. (فديتها اليده للحين ماسكتها 3>)
سلطان : أنا مادري شلون قدر ينحاش .. عالعموم أنا مستانس بردتج "حبيبتي" مرة ثانية .. والحمدلله على سلامتج ..(كاسرة خاطرة)
اليده تدعي على جاسم .. وتقول الحمدلله إنكم تيمعتوا ..
و صرتوا على قلب واحد مثل قبل .. وتقول بتروح تطلب لهم شاي ..
وليد يطالع ليلى مستانس ..
خالد : سامحينا يا بنتي .. حنا السبب .. (وليد يطالع ليلى)
ليلى : لا يا استاذ خالد .. إنتو مالكم ذنب .. أنا إللي طلعت بالوقت الغلط.. وبالمكان الغلط ..
وليد : الحمدلله إنج بخير .. قعدي ارتاحي .. ولا تحاتين .. أنا أوصلج بيتكم ..
ليلى : مشكورين ما قصرتوا ..
(ليلى هادية بالمشهد .. فيها بقايا الصدمة ، نفس لما ردت من المستشفى عقب خنقة المصعد بأبوطبي)
المول ..
هدى و دلال واقفين ..
يقربون إبراهيم و فاطمة ..
فاطمة : عندي لكم خوووش خبر ..
بيت بدر ..
العايلة بصوب ..
ليلى ووليد بروحهم يشربون شاي ..
(حلوة طريقة القعدة .. ليلى ووليد يتكلمون و قبالهم العايلة يتكلمون عنهم)
ليلى : إنت للحين زعلان من الكلام إللي قلته لك .؟
وليد : مابي أجذب عليج .. أنا قلبي يعورني .. لأني أدري شقاعد تخططين تسوين بعمامي .. حاس إني بغدر فيهم .. (ويطالعهم)
ليلى : حس فيني يا وليد .. قدر موقفي .. أنا كل إللي أبيه أعرف أنا منو .. وآخذ حق أهلي ..
وليد : مابي ينقص علي مرة ثانية .. ماني قادر أتخيل إنج ييتني بس عشان تنتقمين من عمامي ..
ماني قادر أصدق إنج استغليتني بهالطريقة ! تعبت .. و الله تعتب ..
ليلى : هالكلام مو صحيح يا وليد .. عمري مافكرت بهالطريقة ..
عمري ما استغليت حبي لك عشان تحرياتي .. لأ ..
وأكبر دليل على كلامي .. إني قلت لك كل شي .. كشفت لك كل أوراقي ..
أنا مو جذي يا وليد .. ما أٌقدر أستغلك ..
وليد : أنا ما مداني أفكر بالكلام إللي قلتيه .. صج إني أحبج .. بس ما أقدر أغدر بعمامي ..
ليلى تطالعهم ..
* آخر مشهد :
بثينة تسحب أوراق .. من الطابعة .. وتطالعهم و تضحك بمكر .. تقول :
والله وطحتي بيدي يا ليلوه .. مراح أرحمج ..
(أتذكر لما بمقابلتها عن دورها تقول : تقع في شر أعملها .. أترقب و أترقب هيهيهي)
وخلصت الحلقة ..
الرئيسية 
