منتديات همس الروح . نعود مجددا في العمل . هام جدا ! NEW جديد 2014

تاريخ التسجيل : 01/01/2011

ملخص الحلقة 76 مسلسل بين الماضي والحب حصريا Bjb

مشاهدة الحلقة 76 كاملة
اضغط هنا

منيرة تتذكر ليلى أول مرة شافتها بالمستشفى حق مروة ..
ولما شافتها ببيت سلطان تشوف الصور ..
ولما كانت مع خالد ويمدحها ببيت سلطان ..
ولما رفضت تكلمهم عن نفسها لما سألتها ..
وتقول إنه ليلى ربكتها تشكك .. وإن هي ما تمشي عليها هالسوالف ..

بشقة ليلى ..
لطيفة و ليلى .. مروة و ياسمين و هدى ..
ليلى تقولي لياسمين البيت بيتج ..
هدى تقول بتمشي .. وليلى تقولها تقدرين تيين بأي وقت ..
مروة تسأل ياسمين شنو صار.؟

بيت خالد ..
راشد يدخل بروحله..
أبوه يسلم عليه .. ويقوله وين ياسمين .؟

بشقة ليلى ..
هذاك الحوار مال مروة تقول إنها كانت بتحذرها وراشد هددها ..
وليلى تقول بتساعدها عشان هي نصيرة المرأة ..
ولطيفة تقولها راح يقولوهم كلام عنج ..
وتقول ياسمين راح يطلعني بالشينه ..
ويقولون لها باجر بيكلمون محامي ..
و ياسمين تقول حق ليلى إنتي تينيين ..

ببيت خالد ..
راشد يقول إنه ياسمين أول يومين اشزينهم .. و بعدين تغيرت ..
و إنه كله تبي تقعد بالغرفه .. ولا تبي ترجع ..
وإنه فجأة ماتبي تكمل دراسة .. ولا تبي تشتغل ..
وهو ما قصر وياها .. وسوالها كل شي..
و مرات يلقى بجسمها رضوض بدون سبب
وشاك إنه تبي تنتحر ..
أمه تقوله اسم عليك يا وليدي ما تهنيت بعرسك ..
هذي أكيد عين ما صلت على النبي ..
خالد : أي عين ! يمكن البنت طايحه من الدري .. هي وينها الحين .؟
راشد : ما بقى مكان ما دورتها فيه .. قلت أكيد ردت الكويت ..
أم راشد : هالموضوع ما ينسكت عليه .. بكلم أمها تخليها تيي تعتذرلك .. وإنت تعلمها و تأدبها .. (سايكو إني وولدج)

بيت الهايمي ..
الأم تسأل أحمد أبوك ليش مستعيل على الزواج .؟
وليش يبي يزوجك بنت عدوه .؟
وهي تدري بسوالف أبوه وإنه ياي الكويت ينتقم من بدر لأنه يحب فضة ..
تقوله إنت مو مثل أبوك وأخوك .. قلبك ما يحمل غِل على أحد ..
وأحمد مو عارف يرد عليها ..

بيت بدر ..
عالريوق اليده و بدرو دلال وهدى
هدى تقولهم .. رفضت إبراهيم .. وما تبي تتزوج الحين ..
يدتها وأبوها مو عاجبهم ..
بعدين اليده تقول (هَيَا اتصلت من جدة = مرت فيصل) بتخطب دلال حق أحمد ..
وبدر يستانس وايد ..
واليدة تسأل دلال .. تقول أنا ما أعرفه بس شكله زين (ومستحية)
ويتكلمون عن عزيمة وليد ..
وتقول دلال إنه بتقعد مع أمها اليوم .. وفاطمة بتمرهم عقب الداوم ..
وعقب ما يقومون بدر واليده ..
تقول دلال تحاتي الفحص الطبي (فحص قبل الزواج لو فيهم أمراض وراثية)
تقول هدى لا تحتاين .. هو قال بيتزوجج مهمها صار ..

بيت الهايمي ..
أحمد قال لأمه ..
وهي منصدمه شلون يبي يدمر حياة البنت ..
وإنه هي ما تقدر تضر أحد وماتقدر تخطبها و تضرها ..
أحمد يتذكر الشاليه .. وبعدين يقول لأمه :
إنه فعلاً يحبها .. وما سوالها شي .. ويبي يتزوجها صج ..
والأم تقوله الله يتمم عليك عقلك ..

بيت أهل ياسمين ..
راشد وأمه رايحين يشكون ياسمين لأمها ..
ويقول راشد إنها مريضة نفسيا .. و تحتاج علاج نفسي ..
والأم تحاتي بنتها ..

شقة ليلى ..
لطيفة وليلى يسئلون ياسمين شلونها .؟
تقول ما نامت .. (محلوة ياسمين .. معنها مو حاطه مكياج يمكن ستايل شعرها أثر)
قالوا لها المحامي ياي الظهر .. روحي ارتاحي شوي ..
ليلى تقول راشد ما يتأمن له نفس عينة جاسم ..
لطيفة تسألها : قوليلي سمعتي إللي بالفلاش ؟
ليلى : سمعتهم كللهم وحياااتج (مستانسة) عبدالله مسجل كل كبيرة وصغيره حق بثينة ..
وإللي سمعته يثبت إنه هي ورا كل شي .. (الحمدلله D:)
لطيفة : هااايل .. و هتديه لوليد إمتى ؟
ليلى : اليووم .. لازم أسمعه التسجيلات قبل لا يدش على أهلها على الغدا ..
آآه أنا وايد سعيدة و مستانسه .. وبثينة السعيدة .. بتصير بثينة التعيسه ..
لطيفة تضحك من قلب ضحكة المنتصر و المتشمت هيهيهيهي

بيت بثينة ..
تكشخ ولابسه ذاك اللبس الأخضر وأمها تقولها استعيلي ..

بالمطعم ..
وليد وأهله يرحبون بالضيوف ..
(كلهم مو كويتين ولا قطريين شكلهم زوار مطعم)
وتيي بثينه و أمها يصفوون معاهم ..
(وليد حده مستانسس!!! شدعوه عاااد .. لا أصدق بس !)
بثينة تقوله : أنا وايد سعيدة اليوم .. وماني مصدقه إني راح أصير حرم وليد الماسي ..
وليد : حيااج .. يأشر لها تقعد على الطاولة ..
وبدر يسأل عن هدى ..

هدى مع إبراهيم و كافيه ..
يقولها شتبين .. مو سويت إللي تبين .؟
تقوله : ماكو خطبه ولا بطيخ .. بس هم راح تتزوج ..
يقولها : شنو؟؟ شتخربطين إنتي .؟
هدى : إنت و فاطمة تحبون بعض ولازم تتزوجون ..

المطعم ..
لطيفة تدخل و تأشر حق وليد .. ويقوم يروح لها ..
تقوله : في موضوع مهم قوي .. روح المكتب حد مستنيك .. أرجوك ما تتأخرش ..

وليد ينزل المكتب ..
يشوف ليلى قاعده تنطره ..
يقول : ليلى ؟ خير ؟ فيج شي .؟
ليلى : أنا آسفة أدري إنك مشغول بعزيمة أهل بثينة ..
بس عقب ما تسمع إللي بالفلاش ما ظني إنك راح تتزوج بثينة ..

بالمطعم ..
أم بثينة تسأل عن وليد ..
وفاطمة تقولهم إنه في وحده نادته و راح لها ..
وبثينة تقول وحده !؟!؟

وليد وليلى ..
ليلى : وليد بلييز .. اسمع إللي بالفلاش منت خسران شي !
وليد : ليلى خلاص إنتي ما تعبتي ؟ إنتي قاعد تفشلين نفسج وتفشليني معاج ..
قاعد تحرجيني جدام الناس ..
ليلى : وليد أنا من رجعت من أبوظبي وأنا قاعده أحاول أثبت لك برائتي ..
ما خليت شي ما سويته .. والحين عقب ما حصلت على أهم دليل .. ماتبي تسمعه . . !
إنت شنو خسران ، اسمع إللي بالفلااش !
وليد : ماله داعي .. ليش الحين ..؟
كل مره ودي أصدقج وأكتشف إني مغفل .. خلاص ما تعبتي !
ليلى : وليد .. أنا خاطرت فحياتي و فحياة ناس ثانية ..
بس عشان أوصل حق هالفلاش .. مستكثر علي 5 دقايق تسمع إللي فيه ..
آخر طلب ممكن أطلبه منك .. بليز وليد إسمع إللي فيه ..
وليد .. يهز راسه موافق ..

هدى وإبراهيم ..
هدى : إبراهيم .. أنا غلطت .. و مو بس لازم أعتذر ..
لازم أصلح الموقف إللي حطيتكم فيه ..
إنت ما تحبني أنا .. تحب فاطمة .. فليش أنا أتزوجك ..
هذا نصيبي .. و إذا إنت تحب فاطمة لازم تزوجون ..

وليد بالمكتب ..
يشغل أول مقطع .. مال الاتفاق .. وتشويه سمعة ليلى ..
ويقول : هذا صوت بثينة !!
وليلى تهز راسها بانتصاار هع ..
يسمع مقطع ورا مقطع مع ليلى .. ويوصل لما تعطيه مبلغ .. وبيانات عن ليلى ..
وليد : هذي شقاعد تقول ..
(ويحطون كل المقاطع .. وأول مره يحطون ذكريات و أستمتع فيها لوول )
(شي ماله شغل .. دشداشة وليد مو حلوة منقطه ماعجبتي.. ذوقه بالبدلات أحلى)

إبراهيم وهدى ..
تقوله الحين إنت حر .. وإنه لا يخطب فطوم الحين عشان اليده ما تشك ..
وإنه يسوون مفاجأة حلوة و رومانسية حق فطووم ..
وإبراهيم حده مستانس ..

بيت محمد ..
الأم داخله البيت تصيح و تحضن دبدوب نائله ..
يقولها محمد هذي أمانة و الله خذها ..

بيت بدر ..
مروة داخله بسررعه تقول لدلال أمج فيها شي .؟
دلال تقولها اخت محمد ماتت .. (تهقون درت من سالم ؟)
مروة ومنصدمه ..

بمكتب وليد ..
وللحين يسمعون .. ووصلوا ليما عبدالله يقولها إنه ليلى خذت جوازه و قرت اسمه ..
ولما كانت يطلب منها فلوس .. ولما راح لها السوق ..
(الله يرحمك يا عبدالله مابقى شي ما سجلته .. 3>)
وليد ما غير يهز ريوووله معصب ..

بالمطعم ..
بثينة متوترة .. وتقوم ..

· آخر مشهد :
بالمكتب ..
وليد يوقف التسجيل معصب . . ومتوهق .. يقوم يطلع معصب ..
وليلى تقوله وين رايح !!

وتخلص الحلقة ..

تاريخ التسجيل : 02/04/2012

شكرااااااااااااااااااا

» ملخص الحلقة 79 مسلسل بين الماضي والحب حصريا
» ملخص الحلقة 77 مسلسل بين الماضي والحب حصريا
» ملخص الحلقة 81 مسلسل بين الماضي والحب حصريا
» ملخص الحلقة 80 مسلسل بين الماضي والحب حصريا
» ملخص الحلقة 78 مسلسل بين الماضي والحب حصريا

منتديات همس الروح . نعود مجددا في العمل . هام جدا ! NEW جديد 2014

ملخص الحلقة 76 مسلسل بين الماضي والحب حصريا