منتديات همس الروح . نعود مجددا في العمل . هام جدا ! NEW جديد 2014

تاريخ التسجيل : 01/01/2011

ملخص كامل عن الحلقة 68 مسلسل بين الماضي والحب "" حصريا

لمشاهدة الحلقة 68 كاملة

اضغط هنا

هذا ملخص كتابي كامل للحلقة 68 سيتم عرض الفيديو يوم السبت الساعة الواحدة والنصف فجرا على منتديات فرفشة باذنه الله
البنات مع اليده ..
هدى تقول موافقة ..
فطوم تصعد زعلانه ..
واليده تستغرب إنه المفروض تفرح ..
تقول هدى محتره مني لأنها ما تزوجت ..
اليده تصعد لفطوم ..
ودلال تقول يمكن يدتي مخربطه هو قال فطوم و ضيعت .. لأنه هو يحب فطوم ..
وهدى تعصب وتقول إنه متأكده إنه لها ..
اليدة تكلم فطوم تراضيها .. وشلج بالشقى .. و باجر بتزوجين وتيبين عيال و تركضين وراهم جنج قطوو ، و تحضنها ..

بيت إبراهيم ..
الأم تقوله ليش مو مستانس ..
يقول يحاتي الامتحانات ..

بالفندق بليل ..
خالد سلطان وليد ..
ويقول خالد انه فيصل طلب اجتماع طلب بدر ما يكون موجود لأنه لاهي بفضة ..
يوصل فيصل .. ويقول مو مصدق لما عرف الاسم و الاسم غص فيه .. اللي خذا فلوسكم و حولها لحسابه .. هو رفيجي واخوكم .. بدر .. وكلهم مصدوومين ..

ليلى داخله بيت بثينة ..
و توها داخله الصالة و تلقى الأم تتكلم .. بالتلفون ..
وتشوفها الأم ..
وليلى تقولها لازم اشوف بثينة ..
وليلى تدخل على بثينة غرفتها و تقفل الباب ..
تلقى بثينة لابسه النفنوف ..

بالفندق بالاجتماع ..
وليد يقول لا أبوي مو حرامي ..
بعدين فيصل يعطيهم أوراق .. وإنه مو مصدق وطلب من الريال بسويسرا يتأكد .. وتهقون أنا أسمع هالشي وأصدقه .. وهو يمر بظروف صعبه .. و يمكن ما قصد ..
وليد يعصب يقوله شقصدك أبوي باقناا !؟!

غاليه مع طارق ..
يدخلون المكان والناس تخررررررع واقفه بطريقة غريبه و شمع ويطالعون غاليه ..
ويقولها دخلي أوقفي بنص الشمع وهو ما تبي .. و هو يصر عليها ..
وتخاف و توقف داخل دائرة الشمع ..
ولما يقولها قعدي .. كلهم يقعدون .. وهي قبل لا تقعد ترررررركض تنحاااش ..
بعدين تدخل غرفة و تقفل على نفسها ..
وتلمح الفلاش ( بعززز الخرعة والظلاام تشوفه خفااش .. وكانت بعز نزلتها من الدري بعد تشوفه! )
وطبعا ما تاخذه .. يعني بيكون من الخرعه و السرعة ..
وتنط من الدريشه وتطلع من باب خلفي ..

بثينة وليلى ..
ليلى كل ما قالت لبثينة شي عن حركاتها ..
بثينة أنكرت كل شي و كأنها ما تدري .. (شكلها عبالها ليلى يايبه تسجيل تسجل لها)
المهم ليلى معصبة و تهاوشها وانه درت عن سالفة السي دي .. ومراح يفنشوني مثل ما إنتي تبين !
وبثينة تضحك عليها .. وتقولها بالنهاية راح يتزوجني أنا ..
قالت بيزوجج لأنج خدعتيه ..
وبعدين ليلى تنفعل .. وتاخذ الطرحة وتشقها و تقطها على الأرض و تطلع ..
(شكل أم بثينة شلون خايفة و ترجع لورا .. كوميدي هيهيهي )

تكملة الاجتماع ..
وليد معصب .. وخالد يهديه ..
يقول اذا عمامي .. اخوانه يصدقون هالكلام الفاضي ..
وإنتو تدرون إنه أبوي ما يمد إيده على فلس واحد!! ..
خالد يقول هالشي لازم يكون بينا .. ولازم يسمعون رد بدر ..

دلال تكلم مروة عن أحمد ..
وإنه قالت له موافقة على الزواج ..
مروة تنصحها لا تطولين بالموضوع نفسي .. وانه تعقدت من سالفة محمد ..

أحمد سرحان يتذكر دلال ..
يدخل عليه أبوه .. ويرتبك ..
وأحمد يقول كافي يبا .. البنت مالها ذنب كلش .. صدقني مالها ذنب حرام ندمر حياتها .. (كسر خاطري مسكين)
الابو : انت تعصاني .. تخوني
لا يبا أنا عمري ما عصيتك .. تكفى انسى سالفة بنت بدر .. كافي اللي بنسويه ببدر ولو أُثبتنا التهمه راح ينسجن ..
الأبو يقوله لا تخرب علي خطتي لازم تكمل اللي قلت لك عليه .. لو بوريني إنك ولد أبوك لازم تبرد جبدي ..

غالية بالتكسي ..
ميته بجي و تتذكر طارق .. و تتذكر أمل تحذرها منها ..
تدخل البيت تتسلل (اللقطة موجود بتتر البداية مادري النهاية)
ثاني يوم .. قايمه خايفه .. و تتذكر الفلاش .. وتتذكر السالفة مالت الفلاش ..
تدخل الأم و تقولها ما تقدر تروح المدرسة .. وتسأل أمها الفلاش اللي ضاع من ليلى مهم ..
قالت حياتها فيه .. ليش لقيتيه .؟
قالت .. لا بس تذكرته ..
غاليه تقول لو قلت لها حق ليلى وين لقيت الفلاش لازم أٌقولها عن طارق ..
(عاد تصدقون ضابطه دور الخايفة ! )

بشقة ليلى مع لطيفة يتريقون ..
لطيفه : تلاقي بسينة دلوقتي هتجنن على اللي عمليته بفستان فرحها .. دي متهورة ومجنونة ..
ليلى : بصراحة ما قدرت أتحمل .. ما قدر أمسك نفسيي .. آخ بس .. آخ لو خالتي مريم مو مضيعه الفلاش !! جان الحين حياتي كلها غيير ..
لطيفه : يا ليلى .. ركزي بتحرياتك إللي انتي قاعده تعمليها دلوقتي .. عشان تخلصي بأسرع وقت ، وسيبك من بسينة وأمسالها ..
ليلى : بس وليد من دخل حياتي صارت كلها غير .. وبثينة الحين صارت جزء منها .. لازم أتعامل معاها الحين ولا بعدين ..

بثينة مع نهى تراويها الطرحة ..
ونهى تقول ليلى متحوشه ..
قالت بثينة .. ودرت عن السي دي بعد ..
نهى : درت عني أنا كمااان ؟؟؟ ..
قالت بثينة لا .. لا تحاتين .. أصلا أنا ناوية مني ورايح أتعامل معاها بنفسي .. يعني مرحلة يديده ..
نهى (خايفه) : مش فاهمه ؟ يعني آيه ..
بثينة : الحين أفهمج .. و تقعد تتصنع البجي ..
تمسك التلفون و تتصل على وليد و تسوي نفسها تصيح و تقوله الحقني تعال .. بسرعه البيت تعال ..
وتسكر التلفون و يضحكون هي ونهى .. وتقول هذا الشغل يا حبيبتي ..
(أدري تعقيلي مو وقته .. بس أحس أكثر وحده مستانسه بالمسلسل نهى .. لأنه مشاهدها مع بثينة .. و كلها خطط و ألاعيب و شماته و ضحك .. عاجبني الوضع هيهيهي .. يعني كله منتصرين و مستانسين نياهاهاها)

بيت الهايمي ..
فيصل يقول أحمدوه هذا حب البنية .. وبيخرب كل خطتنا ..
جاسم يقوله أنا أكلمه ما عليك .. المهم قولي عن ليلى ..
قال أول نحكرها عشان تقنع سلطان .. بعدين إنت إحكرها مثل ما تبي ..

ببيت بدر ..
خالد وسلطان رايحين له ..
معاهم الأم .. وتقول أستانس أشوفكم متحابين و مستانسين ..
خالد يسأل عن فضة ..
يقول بدر قامت تنسى الكلام ..
وقال خالد يبيون يكلمون بدر بشي بالشغل .. وتقوم الأم ..
خالد قال .. الفلوس دخلت بحسابك ..؟
بدر يقول شهالحجي !! وأنا ما حولت شي ..!
قال سلطان .. إحنا مصدقينك ..
قال خالد .. شيّك حسابك ..
بدر .. قال الحين أييب اللاب توب تشوفون ..

ليلى بتطلع من الشقة ..
يتصل التلفون تقول : هلا استاذ فيصل .؟ خير آمر ؟ تبي تكلمني .؟ حياك بالمكتب انت تحت .؟ حياك تفضل ..

تقول للطيفة هذا بوجاسم تحت !! دخلي داخل لا تخلينه يشوفج ..
ليلى تفتحله .. و لما يقعدون ..
ليلى : خير شهالزيارة المفاجِئة ؟
فيصل : تفضلي (يعطيها ظرف)
ليلى : شنو هذا !؟
فيصل : هذي أوراق عنج و عن أهلج .. عن فصلج و عن أصلج ..
ليلى : عني و عن أهلي !
فيصل : أبيج تقولين عنج و عن أمج وليش أمج غيرت اسمكم ؟؟
ليلى : شسالفة إنت يايني لي بيتي عشان تكلمني عن أمي أولا هالاوراق مزوره .. وثانيا تفضل إطلع برره ( أخيرا هذا المشهد ، قوية يا ليلى 3> )
فيصل : هدي أعصابج .. أنا أدري إنه وراج سالفة كبيرة إنتي خاشتها
(يحطون لطيفة تسمع متضايقة، عاد طالعة كيوت اليوم ^^)
ليلى : لا كبيرة ولا صغيرة وأمي ما زورت شي !! واضح ! والحين تفضل إطلع بره ..
فيصل : الأوراق هذي صحيحة 100 % وأنتي عارفة هالشي .. هالأوراق تثبت إنه أمج حلوة اللبن إللي كان اسمها سلوى العبدالله غيرته .. ( قلت إنه مو القاسم ، الظاهر نفس غلطة بوظبي، شكلهم اكتشفوا إنه في عايلة اسمها القاسم وخافوا تصير مشاكل .. وبدلوا .. أو العكس عايلة العبدالله !)
أما أبوج .. سالفته أغرب .. ماكو لا وثايق ولا إثباتات على وجود واحد بهالاسم لا بالكويت ولا بلندن
ليلى : أنا مادري شللي تبي توصله من هذا كله .. بس أحب أوضح لك شي .. إنه أمي ما غيرت شي.. و لا زورت اسمها .. و لا خشت شي تخاف منه .. إنه أبوي إللي ما شفته من أنا صغيره .. كان موجود ومعروف بعد .. وإللي حصلك هالمعلومات فهو غلطان .. خليه يراجع حساباته ..
فيصل : إنتي مصرة على الجذب .. الأوراق هذي مستندات رسمية .. كاهي جدامج .. مو خرابيط هذي .. وبعدين أمج حلوة اللبن .. ما غيرت اسمها و لا زورت اسم أبوج إلا لأنها ما تبي أحد يعرف عن هالموضوع .. وما ظنتي إنتي بعد تبين هالشي ..
ليلى (تبدا ترتبك بس تكلمه عادي) : شللي تبيه مني بالضبط !؟
فيصل : أنا ما يهمني أمج شمسويه .. ولا ليش .. وشحقه .. كل هذا ما يهمني .. يهمني شي واحد بس .. أسوي اتفاق بينا ..
ليلى : اتفاق شنو !؟
فيصل : مقابل سكوتي .. ترفضين كل العروض إللي تبي تشتري حصة سلطان ..
ليلى : بس أنا قلت لجاسم ولدك .. خل أبوك يقدم أفضل عرض وبياخذ الحصة .. شنو المشكلة !؟
فيصل - يضحك بمكر : .. لا يا شاطره .. بالعكس .. أنا بقدم أرخص عرض وبتقنعين سلطان يبيع لي أنا .. زين ولا مو زين ..
ليلى : بس أنا ما أقدر أسوي جذي ..!!
فيصل : والله عاد كيفج .. إذا ما تبين أحد يعرف عن أمج شمسويه وشنو فضايحها ( @: @: ) خلصي موضوع سلطان .. وإنتي حرره ..
ليلى.. محتارة .. ومتضايقه ..
فيصل : ها شقررتي ؟
ليلى : أوكي قبلت الاتفاق .. بس ياريت تقدم عرض زين علشان محد يشك ..
فيصل : أنا سمعت من ناس وايد إنج ذكية .. وما أعتقد صعب عليج تقنعين سلطان بأي عرض أنا أقدمه ..
ليلى : أوكي راح أٌقنعه ( \: )
فيصل : برافو عليج .. أنا قالولي عنج وايد ذكية .. ولغاية هني خلاص .. أنا ماني منبش ورا أمج إللي هو حلوة اللبن .. خلاص .. أنا بكتفي لغاية هني .. ها زين ولا موزين ..!
( ليلى حدها لايعه جبدها وهو يقولها )

· آخر مشهد :
بدر يفتح الحساب جدامهم ..
وينصدم .. ويقول أنا ما حولت شي .. صدقووني .. أكيد هذا هكررز ..
سلطان :شلون قدر يسوي جذي .؟ و شنو استفاد .؟ ليش مو بحسابه هو ؟
خالد : يمكن بالغلط .. أنا وايد أحول لحساب أم العيال بدال العيال ..
بدر : ماني مصدق إخواني ما يثقون فيني !!
سلطان : لا يا بو وليد إحنا واثقين فيك .. بس تبي الصراحة الأوراق واضحه !!
بدر : كلامي لازم يكون أقوى من الأوراق ..
وإذا للحين مو مصدقين إني مو بايقكم .. تفضلوووا .. بررره .. بيتي يتعذركم ..

وتخلص الحلقة.... الفديو يعرض يوم السبت مثل ماذكرنا بالاعلى فقط على منتديات فرفشة

» ملخص الحلقة 75 مسلسل بين الماضي والحب حصريا
» ملخص الحلقة 76 مسلسل بين الماضي والحب حصريا
» ملخص الحلقة 79 مسلسل بين الماضي والحب حصريا
» ملخص الحلقة 77 مسلسل بين الماضي والحب حصريا
» ملخص الحلقة 81 مسلسل بين الماضي والحب حصريا