you my love
تاريخ التسجيل : 09/03/2012
 | | موضوع: ☺☺كباب همبورجر☺☺وكمان اكلتين سهلين هديه للكسلانين☺☺ 09.03.12 8:57 | |
| ازيكو يا فتوكات عاملين ايه
عملت كفته من كام يوم وصورتها علشان عيونكو وقولت انزلها وعملت معاها كمان همبورجر
والاتنين كانو اجمل من بعض
اول حاجه بنحضر اللحمه المفرومه للكفته
ضيفت عليها بصل مفروم ومعلقتين بقسماط ورغيف عيش طويل بليته فى مايه وملح وفلفل وخلطهم مع بعض
بعد ما خلطناهم
هنبدء نصيعها ونرصها فى الصينيه
ندخلها الفرن تستوى
ونيجى للهمبورجر
نحضراللحمه ونضيف عليها بصل مبشوروانا مش بضيف ملح وفلفل للهمبورجر لانى بضيف ليه الخلطه دى بتكون حلوه قوى
بضيف الكيس منها على نص كيلو لحمه وبصل مبشور واقلبهم وبعدين اشكلهم دواير
وابدء ادخلها الفرن وعملت معاهم مكرونه اسباجتى وكانت اكله حلوه قوى
وعملت تانى يوم اكله بسيطه قوى بعملها لما اكون كسلانه اعمل اكل
لحمه وتقطعى عليها بصل كتير ومعلقه سمنه ونص كوب ماء و ملح وفلفل
وعلى البوتجاز وانسيها وفى نفس الوقت ولادى مش عايزين لحمه عملت نفس الحكايه
بالفراخ بقت الفراخ لولادى وانا واللحمه لجوزى ورضيت جميع الاطراف
طعمه قوى وسهله قوى
وادى الفراخ كمان بالبصل
بتكون حلوه قوى
| |
|
الرئيسية