امثال شامية
ايدين دكك ورجلين سكك
أكبر منك بيوم أعرف منك بسنة
العاب بالمقصوص حتى يجيك الطيار
الحجر مطرحو قنطار
النار ما بتحرق ايد إلا كاويها
الحجر اللي ما بيعجبك بفجك
المونة بدا ركونة ما بدا مرا مجنونة
الرجل ما بتدب غير مطرح ما بتحب
الحب مطب والعاشق أعمى
أكل ومرعى وقلة صنعة
الجواب بمحلو متل الدهب بمغلو
السكافي حافي والحايك عريان
اللي فيه مسلة بتنغزو
ألف قلبة ولا غلبة
ألف عين تبكي وعين أمي ما تبكي
الرجال عند غراضها نسوان
العين ما بتعلا عالحاجب
الدم ما بيصير مي
الديك الفصيح من البيضة بيصيح
الحكي صابون القلوب
العين بصيرة والايد قصيرة
العز للرز والبرغل شنق حالو
العروس بعلقها وقلة أكلها
الطبل بحرستا والزمر بمنين
البحر ما بتعكرو ساقية
آب اللهاب
ايلول دنبو مبلول
الرحمة مخصصة والبلا بيعم
ألف قولة جبان ولا قولة الله يرحمه
الموت مع الناس رحمة
الحية إذا جاعت بتعض بطنها
الكلام بينداق متل الطعام
اذا احتجت الكلب قوللو يا حاج لو سمحت الكلمة ممنوعه
الله بيطعم الحلاوة للي مالو سنان
القرد بعين أمو غزال
الضرف العايب نافخو تعبان
الكلام اللي ما بينفد ياحسرة قايلو
الحكي الك يا كنة اسمعي يا جارة
الآخرة يا فاخرة
الرايح بايدو والجاية بايد الناس
الغايب حجتو معو
ايمتا كنا والشمس ترقعنا
اجا ليكحلها عماها
الرمد أشوى من العمى
العيرة ما بتدفي وان دفت ما بتوفي
ايد واحدة ما بتصفق
إن داقت عليك المخازن مخزنك عبك
البخشيش بالدرهم والعطا بالقنطار
إن كان حبيبك عسل لا تلحسو كله
الله يطعمك حجة والناس راجعة
الولد اللي ما بيبكي امو ما بترضعو
أعزب دهر ولا أرمل شهر
اذا الصغير انتشا الكبير باس ايدو
الطرق ولو دارت والبنت ولو بارت
الدهر يوم الك ويوم عليك
الخبز والماء أكل العلماء
الحارة ضيقة واللو سمحت الكلمة ممنوعه رفاس
الله ما نشاف لكن بالعقل نعرف
الخوف بيقطع الجوف
الرطل بدو رطل ووقية
الصاحب ساحب
الجنازة حامية والميت لو سمحت الكلمة ممنوعه
الأعور بين العميان ملك
الخير بخير والشر بغير
الجمل اذا بار بيحمل قنطار
العين مغرفة الكلام
إن عاب عليك أصلو دلايلو فعلو
الجمل لولا الفزة لحمل المزة
القط ما بيهرب من العرس
الجار قبل الدار
الولد ولد ولو صار قاضي بلد
الجحشة بعليقها والأصيلة بعليقها
قال للقرعة مشطين وللعمشا مكحلتين
متل بشكير الحمام من ايد لايد
قال فارة وقعت من السقف قالتلها القطة اسم الله قالتلها اتركني بحالي وانا بألف خير من الله
قال خنفسة شافت بنتها على الحيط قالتلها تقبريني متل اللولية بخيط
قال صار للدبانة دكانة وصارت تسكّر على بكير
قال زبال وشاكل وردة
قال الجمل لو شاف حردبتو كان وقع وانكسرت رقبتو
قال لبسو المكنسة بتطلع ست النسا
قال لابق للشوحة مرجوحة ولابو بريص قبقاب
قال الله يخليلي ياك يا لساني شلون ما درتك بتندار
قال عم يتباهى بضفاير بنت خالتو
قال من زبيبة بيخمر
قال يا فرعون مين فرعنك؟؟ قلو ما لقيت حدا يردني
قال حط اصبعتك بعينك متل ما بتوجعك بتوجع غيرك
قال متل الحرباية بالوش مرايا وبالقفا صرماية
قال البرغوت قال للبقة يضرب الشرشوح اذا اترقى
قالو لكتّار الغلبة نص الدنيا الكن قالو النص التاني لميين؟؟
قال ست وجاريتين على قلي بيضتين
شو ما طبخت العمشا جوزها بيتعشى
قالو للبغل مين ابوك ؟؟ قال الحصان خالي
قال من معرفتو بالصحابة بيترضى على عنترة
قال ياللي القلم بايدو ما بيكتب حالو من الاشقيا
قال عم بيرش على الموت سكر
قال ان بزقنا لفوق على شواربنا وان بزقنا لتحت على دقنا
قال عاشقك لا تاخديه ومطلقك لا ترديه
قال بحفر البير بابرتين وبكنش درب الحج بريشتين ولا بعاشر الخاين بكلمتين
قالو للقرد لسه الله بدو يمسخك قال يمكن يساويني غزال
وأختم موضوعي بأبيات العاشق الدمشقي نزار قباني :
دمشـقُ، يا كنزَ أحلامي ومروحتي
أشكو العروبةَ أم أشكو لكِ العربا؟
الرئيسية 
.gif)
